Այս պահին «Alpha Media Centre»-ում տեղի է ունենում մամուլի ասուլիս՝ Երևանում Սաթի Սպիվակովայի բարեգործական նոր ներկայացումենրի վերաբերյալ։
Ասուլիսի բանախոսներն են՝
Սաթի Սպիվակովա — դերասանուհի, բարի կամքի դեսպան, մշակութային և բարեգործական ծրագրերի նախաձեռնող
Վլադիմիր Կոշևոյ — թատրոնի և կինոյի դերասան, ՌԴ վաստակավոր արտիստ
Էսթեր Դեմիրճյան — «City of Smile» հիմնադրամի տնօրեն։
Բանախոսները կպատմեն սեպտեմբերի 19-ին Մհեր Մկրտչյանի անվան արտիստական թատրոնում տեղի ունենալիք Մոսկվայի «Ազգերի թատրոն»-ի ներկայացման, ինչպես նաև Սաթի Սպիվակովայի և «City of Smile» հիմնադրամի համատեղ գործունեության մասին, որն ուղղված է ուռուցքաբանական և արյունաբանական հիվանդությունների դեմ պայքարող երեխաներին աջակցելուն:
«Սիրո մետաֆիզիկա» ներկայացումը հիմնված է Սերգեյ Սոլովյովի սցենարի վրա և նվիրված է Իվան Տուրգենևի ու Պոլինա Վիարդոյի բարդ հարաբերություններին։ Այն կցուցադրվի երկու սեանսով՝ ժամը 18:00-ին և 20:00-ին: Տոմսերի վաճառքից հավաքված միջոցները կուղղվեն «City of Smile» հիմնադրամին:
Մանրամասները՝ ուղիղ հեռարձակմամբ։
