Պետականության հաշվին ոչ մի «խաղաղություն» չի կարող կայանալ. Մհեր Մելքոնյան

12 Սեպտեմբերի, 2025

ԱԺ «Հայաստան» խմբակցության պատգամավոր Մհեր Մելքոնյանի ֆեյսբուքյան գրառումը․ «Հայաստանի Հանրապետության անկախության պատմության ամենախոցելի հանգրվանին ենք ականատես լինում այսօր։ Եվ այդ խոցելիությունն այլևս արդյունք չէ արտաքին ճնշումների միայն։ Այն դարձել է սերտաճած հետևանք փաշինյանական իշխանության վարած վտանգավոր, դավաճանական և պետականության հիմքերը խարխլող քաղաքականության։

Գործող հակապետական իշխանությունը որդեգրել է ազգային ինքնության ժխտման, պատմական փաստերի վերանայման և պետական շահը զոհաբերելու ուղին։ Այս ամենը մատուցվում է իբրև «խաղաղության օրակարգ», բայց փաստացի հանդիսանում է քաղաքական կամքի բացակայության, ազգային անվտանգության համակարգերի կազմաքանդման և պետական դիմադրողականության զրոյացման գործընթաց։

Խաղաղությունը հնարավոր է միայն այն դեպքում, երբ այն բխում է ուժի, արժանապատվության և իրավունքի դիրքից։ Խաղաղություն, որը կառուցվում է միակողմանի զիջումների, պատմական ժառանգության հերքման և ինքնիշխանության հաշվին, ենթադրում է ոչ թե կայունություն, այլ վերահաս նոր ճգնաժամ՝ խորքային և անդառնալի։

Այսօր Հայաստանի տարածքային ամբողջականությունը դրված է իրական սպառնալիքի տակ։ Տարածքային զիջումներն արդարացվում են խաղաղության անվան տակ, բայց խաղաղություն չի կարող ապահովվել այնտեղ, որտեղ սահմանները որոշվում են սպառնալիքով, պարտադրանքով կամ թշնամու միակողմանի թելադրանքով։

Իշխանություն, որը հրաժարվում է հայկական պատմական տարածքներից, հարցականի տակ է դնում արցախահայության իրավունքները, և իր գործունեությամբ նպաստում է թշնամու ռազմավարական նպատակների իրագործմանը, չի կարող հանդես գալ որպես Հայաստանի շահերի կրող։ Իսկ առանց ազգային շահի կրող իշխանության խաղաղության ցանկացած նախաձեռնություն՝ լեգիտիմ չէ, իրավական իմաստով՝ անթույլատրելի, իսկ պատմական առումով՝ դատապարտելի։

Պետականության հաշվին ոչ մի «խաղաղություն» չի կարող կայանալ»։

Նմանատիպ նյութեր

Ստիպում եք հանրայնացրել ձեզ ուղղված նամակները. Լիլիթ Գալստյանը՝ Սրբուհի Գալյանին

Ստիպում եք հանրայնացրել ձեզ ուղղված նամակները. Լիլիթ Գալստյանը՝ Սրբուհի Գալյանին

Սիրուն չի, Տիկին Գալյան, նաև՝ ազնիվ չէ. մեր ուշադրության կենտրոնում նաև ՔԿՀ-ներում տառապnղ մեր հարյուրավոր քաղաքացիներն են, գրել է ԱԺ «Հայաստան» խմբակցության պատգամավոր Լիլիթ Գալստյանը։ «Աչքովս ընկավ Սրբուհի Գալյանի Հ1-տաղավարում զրույցը, ուր Արդարադատության նախարարը...

Շղթայական վթար Երևանյան լճի մոտ. կա 1 զոհ, 3 վիրավոր

Շղթայական վթար Երևանյան լճի մոտ. կա 1 զոհ, 3 վիրավոր

Այսօր՝ նոյեմբերի 22-ին, խոշոր ու ողբերգական ավտովթար է տեղի ունեցել Երևանում։ Ժամը 17։00-ի սահմաններում Բագրատունյաց պողոտայում՝ թիվ 2/1 հասեցի դիմաց՝ Երևանյան լճի հարևանությամբ, բախվել են  2 «Mercedes», «Nissan Tiida», «Kia Forte» և «ՎԱԶ 2107» մակնիշի ավտոմեքենաները։...

Վարդենիսի, Մարտունիի, Աշոցքի տարածաշրջաններում ձյուն է տեղում

Վարդենիսի, Մարտունիի, Աշոցքի տարածաշրջաններում ձյուն է տեղում

Նոյեմբերի 22-ին՝ ժամը 17։30-ի դրությամբ, Վարդենիսի, Մարտունիի, Աշոցքի տարածաշրջաններում ձյուն է տեղում, իսկ Սևանի, Գավառի տարածաշրջաններում՝ ձնախառն անձրև։ Միջպետական և հանրապետական նշանակության բոլոր ավտոճանապարհները բաց են։ Ճանապարհաշինարարներն ավտոճանապարհներին...

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին

Մալանկարայի ասորի ուղղափառ եկեղեցու առաջնորդ Բասիլիոս Մար Թոմա Մատթեոս III-ը զորակցություն է հայտնել Ամենայն հայոց կաթողիկոս Գարեգին Բ-ին և Հայ առաքելական եկեղեցու հոգևորականներին։ Այս մասին հայտնում է Մոսկվայի հայկական եկեղեցին։ «Մեզ միավորում են նույն հավատքը և...

ՌԴ քաղաքացուն ու նրա ընտանիքի 6 անդամներին «Nissan»-ում բռնկված հրդեհից փրկել են

ՌԴ քաղաքացուն ու նրա ընտանիքի 6 անդամներին «Nissan»-ում բռնկված հրդեհից փրկել են

Այսօր՝ նոյեմբերի 22-ին, արտակարգ դեպք է տեղի ունեցել Արագածոտնի մարզում։ Ժամը 12:00-ի սահմաններում Երևան-Գյումրի ավտոճանապարհի 82 կմ հատվածում՝ Թալինի վարչական տարածքում, հրդեհ է բռնկվել դեպի Բավրա ընթացող «Nissan» մակնիշի ավտոմեքենայում։ «Վարորդին և 6 ուղևորներին...