Քննչական մարմինների գործողությունները կրում են ուղղորդված և բացառապես ապօրինի բնույթ․ Արմեն Ֆերոյան

9 Սեպտեմբերի, 2025

 

Սամվել Կարապետյանի գործով առավել քան ակնհայտ է, որ քննչական մարմինների գործողությունները կրում են և՛ ուղղորդված, և՛ բացառապես ապօրինի բնույթ։ Այս մասին լրագրողների հետ հանդիպմանը հայտարարեց Սամվել Կարապետյանի պաշտպան Արմեն Ֆերոյանը։

«Մենք կարող ենք անվերջ բանավիճել քննչական խմբի ղեկավարի, գործը քննող քննիչի հետ, որևէ հիմնավորում ու փաստարկ իրենք չեն կարող ներկայացնել, որ կոնկրետ այս գործողությունը կրում է օրինական, իրավական ու ոչ ուղղորդված բնույթ։ Հետևաբար, ակնկալել, որ այս գործով Սամվել Կարապետյանի նկատմամբ տեղի է ունենում արդարադատություն, մեղմ ասած, անհիմն է։ Արդարադատություն ասվածն այս պարագայում չի գործում ընդհանրապես։

Ինչ վերաբերում է Կարապետյանին վերագրվող իշխանությունը բռնությամբ զավթելու կոչին, ապա պաշտպանական խումբն իր ձեռքի տակ ունի փորձագիտական համալիր եզրակացություն, որի ներքո ստորագրել են բազմամյա փորձ ունեցող մի քանի փորձագետներ, այդ թվում լեզվաբան պրոֆեսորներ։

Նրանք տվել են եզրակացություն, որ իշխանությունը զավթելու կոչի վերաբերյալ որևէ հանգամանք առկա չէ։ Միայն քննչական մարմնի սին դատողություններն են, որ այդ արտահայտությունը կոչ է։ Ես դատախազներին, քննիչներին, դատավորներին իրոք խնդրում եմ ձեռնպահ մնալ ապօրինություն անելուց՝ ձեր վերադասին հաճոյանալու համար։ Դա ձեզ որևէ լավ տեղ չի տանելու»,- ասաց Ֆերոյանը։

Անդրադառնալով Սամվել Կարապետյանի ձերբակալման ապօրինի ճանաչվելուն՝ պաշտպանական խմբի անդամ Լիաննա Գասպարյանը նշեց․ «Ինչպես Սամվել Կարապետյանի բնակարանի խուզարկության, այնպես էլ առաջին ձերբակալման որոշումները ճանաչվել են ապօրինի։ Սա խոսում է այն մասին, որ քրեական գործն ի սկզբանե եղել է ապօրինի։ Սամվել Կարապետյանի կալանքի երկարացումից անցել է շուրջ մեկ ամիս և այդ մեկ ամսվա ընթացքում վարույթն իրականացնող մարմինը Սամվել Կարապետյանին վերաբերելի գեթ մեկ՝ 10 րոպեանոց գործողություն չի կատարել։ Հարց է առաջանում՝ այդ դեպքում ինչու է Սամվել Կարապետյանը մինչ օրս գտնվում ապօրինի անազատության մեջ»։

Մանրամասն՝ տեսանյութում։

Նմանատիպ նյութեր

Մարդը արյունահոսում է, նրան պատշաճ բուժօգնություն չի ցուցաբերվում․ փաստաբանը՝ ՔԿՀ պայմանների մասին 

  «Ունեմ մի պաշտպանյալ՝ Արթուր Վարդանյանը, որի առողջական խնդիրների մասին բազմիցս բարձրաձայնել և անդրադարձել եմ։ Նա չափազանց լուրջ առողջական խնդիրներ ունի, սակայն համապատասխան մարմինների կողմից գործուն քայլեր չեն ձեռնարկվում։ Երբ իմ...

Ինչ է կատարվում Սպիտակում ընտրություններից առաջ. «Արմլուր»

Ինչ է կատարվում Սպիտակում ընտրություններից առաջ. «Արմլուր»

Ընտրական հանձնաժողովը պահանջում է «Քաղաքացիական պայմանագրի» թեկնածու Քաջայր Նիկողոսյանին դուրս թողնել համայնքապետի ընտրություններից: ArmLur.am-ը գրել էր, որ նոյեմբերի 29-ին Սպիտակի ավագանու ընտրություններ են և Նիկողոսյանի դեմ են դուրս եկել նրա ենթակաները՝ «Բարոյական...

Ռուսաստանը մշտապես հանդես է գալիս Վրաստանի հետ գործնական և փոխշահավետ հարաբերությունների հաստատման օգտին. ՌԴ ԱԳՆ

Ռուսաստանը մշտապես հանդես է գալիս Վրաստանի հետ գործնական և փոխշահավետ հարաբերությունների հաստատման օգտին. ՌԴ ԱԳՆ

Մոսկվան արդեն կապ է հաստատել Ռուսաստանի հետ հարաբերությունների հարցերով Վրաստանի վարչապետի նոր հատուկ ներկայացուցիչ Գեորգի Զուրաբաշվիլիի հետ։ Այս մասին երկուշաբթի հայտնել է «Իզվեստիա» թերթը՝ վկայակոչելով Ռուսաստանի արտաքին գործերի նախարարությանը։ «Գեորգի Զուրաբաշվիլիի...

Գալյանի ելույթը ջրի երես բերեց ՔՊ-ի քաղաքական երեսպաշտությունն ու երկակի ստանդարտները․ Ավետիսյան

«Օրեր առաջ արդարադատության նախարար Սրբուհի Գալյանի հուզառատ ելույթը հերթական անգամ ջրի երես բերեց իշխող «Քաղաքացիական պայմանագիր» կուսակցության քաղաքական երեսպաշտությունն ու երկակի ստանդարտները։ Այսօր երկրում առկա քաղաքական բանտարկյալների...

Դավիթ Զիրոյանը նշանակվել է Վարդենիսի քննչական բաժնի պետ. ով է նա

Դավիթ Զիրոյանը նշանակվել է Վարդենիսի քննչական բաժնի պետ. ով է նա

Դավիթ Զիրոյանը նշանակվել է ՀՀ քննչական կոմիտեի Գեղարքունիքի մարզային քննչական վարչության Վարդենիսի քննչական բաժնի պետ: Այս մասին հայտնում են Քննչական կոմիտեից: Դավիթ Մկրտչի Զիրոյանի կենսագրությունը Ծնվել է 1990 թվականի հոկտեմբերի 3-ին Գեղարքունիքի մարզի Կամո քաղաքում:...