Հունգարիայի վարչապետ Վիկտոր Օրբանը երեքշաբթի հայտարարել է, որ չի աջակցում այս շաբաթ ԱՄՆ-Ռուսաստան գագաթնաժողովից առաջ Ուկրաինայի «սեփական ճակատագիրը տնօրինելու» իրավունքի վերաբերյալ ԵՄ առաջնորդների հայտարարությանը, գրում է Ֆրանսպրես գործակալությունը։
ԵՄ առաջնորդները երեքշաբթի օրը՝ ԱՄՆ նախագահ Դոնալդ Թրամփի և Ռուսաստանի նախագահ Վլադիմիր Պուտինի հանդիպումից ընդամենը երեք օր առաջ, ընդգծել են «սեփական ճակատագիրն ընտրելու Ուկրաինայի անքակտելի իրավունքը»։
Օրբանը հայտարարել է, որ ԵՄ առաջնորդների համար «միակ խելամիտ քայլը» «Ռուսաստան-ԵՄ գագաթնաժողով նախաձեռնելն է՝ հիմնվելով Ռուսաստան-ԱՄՆ հանդիպման օրինակի վրա»։
«Եկեք խաղաղությանը հնարավորություն տանք»,- X սոցիալական ցանցում նշել է նա՝ Թրամփի և Պուտինի մասնակցությամբ գագաթնաժողովն անվանելով «պատմական»։
«ԵՄ առաջնորդների հայտարարությունը փորձում է պայմաններ ստեղծել այնպիսի հանդիպման համար, որին ԵՄ առաջնորդները հրավիրված չեն եղել։ Այն փաստը, որ ԵՄ-ն դուրս է մնացել, բավականին տխուր է։ Միակ բանը, որը կարող է վատթարացնել իրավիճակը, այն է, որ մենք սկսենք դրսից հրահանգներ տալ»,- հավելել է Օրբանը։
