Առաջին անգամ իր պատմության մեջ Ռուսաստանը միայնակ է պայքարում ողջ Արևմուտքի դեմ, ուստի մենք չենք կարող թույլ տալ թուլություն։ Այս մասին հայտնել է ՌԴ արտգործնախարար Սերգեյ Լավրովը:
«Մենք շատ անելիքներ ունենք։ Դրանցից ամենակարևորը թշնամուն հաղթելն է։ Իր պատմության մեջ առաջին անգամ Ռուսաստանը միայնակ է պայքարում ողջ Արևմուտքի դեմ։ Առաջին և Երկրորդ համաշխարհային պատերազմներում մենք դաշնակիցներ ունեինք։ Հիմա մենք դաշնակիցներ չունենք մարտադաշտում։ Հետևաբար, պետք է հույսներս դնենք մեզ վրա»,- ասել է Լավրովը։
Նախարարի խոսքով՝ Ռուսաստանը ռազմական գործողություններից բացի այլընտրանք չուներ, քանի որ երկրի համար կարևոր են ոչ միայն տարածքները, այլև դարեր շարունակ այնտեղ ապրած և ռուսական մշակույթի և լեզվի կրող հանդիսացող մարդիկ։
«Մենք պնդում ենք այն, ինչը մեր օրինական պահանջն է՝ ապահովել մեր անվտանգությունը. Ուկրաինային ՆԱՏՕ չներգրավել, ՆԱՏՕ-ի ընդլայնում ընդհանրապես չպետք է լինի։ Եվ, իհարկե, մեր Սահմանադրությամբ ամրագրված իրողությունների ճանաչումը բացարձակապես անվիճելի պահանջ է»,- ասել է Լավրովը։
