Այս պահին «Զվարթնոց» օդանավակայանում ԱԱԾ սահմանապահը չի թողնում որպեսզի Արմեն Չարչյանը սահմանը հատի՝ պատճառաբանելով, թե իբր Արմեն Չարչյանի ելքը փակ է, այն դեպքում երբ դատարանի որոշումը ազատ տեղաշարժի սահմանափակումը վերացնելու վերաբերյալ վաղուց ուղարկվել է ՀՀ ՆԳՆ ոստիկանության ՔՈԳՎ եւ դերեւս հունիսի 23-ին ոստիկանությունից մեզ հավաստիացրել էին, որ ՍԷԿՏ համակարգում առկա սահմանափակումը վերացված է։ Այս մասին հայտնում է Արմեն Չարչյանի փաստաբան Էրիկ Ալեքսանյանը։
«Սա ուղղակի իրավական նիհիլիզմ է։
ՀՀ Ներքին գործերի նախարարությունից պահանջում եմ նշվածի վերաբերյալ գրավոր պարզաբանում»,- գրել է Է. Ալեքսանյանը։
Թարմացում․ ավելի ուշ փաստաբան Ալեքսանյանը մեկ այլ գրառմամբ հայտնեց, որ Արմեն
Չարչյանի ՍԷԿՏ համակարգում առկա սահմանափակումը վերացվել է, խնդիրը՝ լուծվել։
