Քաղաքական մեկնաբան Հակոբ Բադալյանը գրել է․
«Թուրքիայի արտգործնախարար Հաքան Ֆիդանը Ստամբուլում կայացած՝ Տրանսպորտային կապակցվածության գլոբալ ֆորումի շրջանակում իր ելույթում հայտարարել է, որ էներգետիկան, տրանսպորտն ու թվայնացումը հարցեր են, որոնք դուրս են գալիս արտաքին քաղաքականության առաջնային պլան, գերակա դիրք: Ըստ նրա, դրանք միայն տնտեսության հարցեր չեն, այլ թիվ մեկ հարց արտաքին քաղաքականության մեջ:
Հենց այս ֆորումին մասնակցելու նպատակով է Թուրքիայում եղել Հայաստանի տարածքային կառավարման ու ենթակառուցվածքների նախարար Խուդաթյանը, որն էլ այդ շրջանակում հանդիպել էր Թուրքիայի էներգետիկայի նախարարի հետ ու քննարկել էներգետիկայի բնագավառում գործակցության հարցեր:
Բայց, կուզեմ նաեւ ուշադրության արժանացնենք մեկ այլ հանգամանք էլ: Օրինակ, այցելում ենք ՏԿԵՆ ֆեյսբուքյան էջ ու նայում, թե ի՞նչ լուր է նախորդում Ստամբուլում հանդիպման մասին լուրին:
Ստամբուլում հանդիպման մասին լուրին նախորդում է լուրը, որ Խուդաթյանը Երեւանում ընդունել է Եվրամիության դեսպան Մարագոսին: Եվ ուշադրություն, ի՞նչ հարցեր են քննարկվել: Կարդում ենք՝ «Քննարկվել են Էներգետիկ, տրանսպորտային, ջրային ոլորտին վերաբերող մի շարք հարցեր»:
Եվ այստեղ նաեւ ավելորդ չեմ համարում հիշեցնել, որ մի քանի օր առաջ Մարագոսը ու Հայաստանում ԵՄ հավատարմագրված դեսպանները այց էին կատարել Սյունիք»:
