«Առավոտից բոլորս ականատես եղանք այն ամոթալի իրավիճակին, որ տեղի էր ունենում Մայր Աթոռ սուրբ էջմիածնի տարածքում։ Բնականաբար, բոլորիս համար մեծ ցավ է տեսնել՝ մեր հայրենի իշխանություններն ինչքան կարող են իջնել և ինչքան կարող են ոտնահարել մեր ազգային սրբությունները, ոտնահարել մեր պետականությունը, ոտնահարել այն արժեքները, որոնցով միշտ պայքարել ենք ու հաղթել»,- լրագրողների հետ զրույցում ասաց Մայր Աթոռի Տեղեկատվական համակարգի տնօրեն Տ. Եսայի քահանա Արթենյանը։ Նա ևս, բազմաթիվ հոգևորականների և քաղաքացիների հետ միասին, եկել էր քննչական կոմիտեի մոտ՝ ի աջակցություն ձերբակալված Միքայել արքեպիսկոպոս Աջապահյանի։
«Մեզ համար շատ կարևոր է, որ իրականություն դառնա արդար դատավարությունը։ Միքայել սրբազանի պարագայում էլ հստակ է, որ այստեղ բացարձակ անօրինական հետապնդում է։ Հուսով եմ և աղոթում ենք, որ դատարանն արդար որոշում կկայացնի՝ թեև հասկանում ենք մեր երկրում տիրող իրավիճակը, հասկանում ենք, որ դատական համակարգը ինչպես է աշխատում և ինչպես է ուզուրպացված։ Ամեն դեպքում, մենք Միքայել սրբազանի կողքին ենք՝ և՛ մեր աղոթքներով, և՛ մեր ֆիզիկական ներկայությամբ»,- ասաղ տեր Եսային։
Հարցին՝ մտավախություն կա՞, որ նույն ոճով, նույն ձեռագրով դիմակովրված մուտք կգործեն Վեհարան՝ Ամենայն Հայոց կաթողիկոսի հետրց, հոգևորականը պատասխանեց․ «Անկեղծ ասած՝ հիմա ամեն ինչ սպասելի է։ Էսօրվա տեսարանից հետո կարծում եմ, որ ամեն ինչ սպասելի է։ Կանխատեսումներ չեմ կարող անել, բայց մենք պատրաստ ենք»։
Մանրամասն՝ տեսանյութում։
