«Բիրտ ուժ կիրառելով, մարդկանց հրելով, կարծես եկել էին եկեղեցին ազատելու թշնամիներից։ Այս խարանը մնալու է մեր ժողովրդի մեջ, որը միմիայն հնարավոր է լուծել ապաշխարությամբ»,- լրագրողների հետ զրույցում ասաց Ս. Էջմիածնի միաբան, ՔԴԿ կենտրոնի տնօրեն Զաքարիա ծայրագույն վարդապետ Բաղումյանը։ Նա ևս, բազմաթիվ հոգևորականների և քաղաքացիների հետ եկել էր քննչական կոմիտեի մոտ՝ ի աջակցություն ձերբակալված Միքայել արքեպիսկոպոս Աջապահյանի։
«Հայոց եկեղեցին մնացել է վերջին խրամատը մեր պետականության․ եթե այս խրամատն էլ հանձնենք թշնամիներին, ապա լինելու է Հայոց երկիրը, այս հողը, բայց այստեղ լինելու են ոչ հայեր, և մենք լսելու ենք թուրքական ազանի ձայնը»,- ասաց Զաքարիա ծայրագույն վարդապետ Բաղումյանը։
Մանրամասն՝ տեսանյութում։
