Սերժ Սարգսյանի մարդը Ստամբուլում․ ինչու՞ է նա վստահելի նաև Փաշինյանի համար․ Politik.am

19 Հունիսի, 2025

Politik.am-ը գրում է․ Օրերս ՀՀ ԱԳՆ-ն տեղեկացրեց թուրքական կողմի պաշտոնյաների հետ հանդիպման մասին․ ՀՀ ԱԳ նախարարի տեղակալ Վահան Կոստանյանը Անկարայում հանդիպում է ունեցել Թուրքիայի ԱԳ նախարարի տեղակալ, դեսպան Բերրիս Էքինջիի հետ,— ասվում էր հաղորդագրության մեջ։

Հանդիպմանը հայկական կողմից մասնակցել է մի պաշտոնյա, որի ներկայությունը բավականին հետաքրքիր շերտեր է բացում և ցույց տալիս նախկին ու ներկա իշխանությունների «թուրքական գծի» շարունակականությունը, այն աստիճան, որ անգամ համակարգողները նույն անձինք են։ Խոսքը ՀՀ ԱԳՆ քարտուղարության խորհրդական Նաիրի Պետրոսյանի մասին է։

Նաիրի Պետրոսյանը սովորել է ԵՊՀ արևելագիտության ֆակուլտետի թուրքագիտության բաժնում։ 1999 թվականին նա սովորել է Ֆլետչերի իրավունքի և դիվանագիտության դպրոցում։ Նույն դպրոցում կրթություն են ստացել նրանք, ովքեր այսօր ծառայում են Արևմուտքի շահերին՝ Փաշինյանի իշխանության տարբեր պաշտոններում։

Սերժ Սարգսյանի օրոք՝ հայ–թուրքական «ֆուտբոլային դիվանագիտության» ժամանակաշրջանում, Նաիրի Պետրոսյանը նշանակվել է նախագահի ռեֆերենտ և զբաղվել Թուրքիային վերաբերող հարցերով։ Մեր աղբյուրների համաձայն՝ նա եղել է Սերժ Սարգսյանի վստահելի կադրերից մեկը այդ գործընթացում։

2018 թվականի իշխանափոխությունից հետո Սերժ Սարգսյանը ևս մեկ անգամ ցույց տվեց իր վստահությունը Պետրոսյանի հանդեպ՝ վերջինիս նշանակելով իր՝ պաշտոնաթող նախագահի գրասենյակի ղեկավար։ Պետրոսյանը  այս մասին Facebook-ի իր էջում գրել էր․«Երեկ հանդիպեցի Հայաստանի Հանրապետության երրորդ նախագահ Սերժ Սարգսյանի հետ։ Նա ինձ առաջարկեց ստանձնել իր՝ Հայաստանի Հանրապետության պաշտոնաթող նախագահի գրասենյակը ձևավորելու աշխատանքը։ Նրա՝ որպես պետության ղեկավարի հետ աշխատանքը միշտ պատիվ եմ համարել և սիրով ընդունել եմ այդ առաջարկը։ Գրասենյակի մասին լրացուցիչ տեղեկություններ կհայտնեմ հաջորդիվ»։

Սերժ Սարգսյանի այս վստահելի կադրը՝ Նաիրի Պետրոսյանը, 2019 թվականին ընդունում է արդեն Նիկոլ Փաշինյանի առաջարկը և նշանակվում է Շվեյցարիայում դեսպանորդ։ Եվ ինչպես պարզվում է, նա ոչ պակաս վստահելի է նաև Փաշինյանի համար. 2024 թվականին Նաիրի Պետրոսյանը նշանակվում է Սևծովյան տնտեսական համագործակցության կազմակերպությունում Հայաստանի մշտական ներկայացուցիչ (նստավայրը՝ Ստամբուլ)։ Թուրքիայի հետ դիվանագիտական հարաբերությունների բացակայության պայմաններում, այդ պաշտոնը ըստ էության նման է դեսպանի պաշտոնի, որը ապահովում է Հայաստանի և Թուրքիայի իշխանությունների կապը։

Նշենք, որ Նաիրի Պետրոսյանը միակը չէ, ով վստահություն է վայելում միաժամանակ Սերժ Սարգսյանի և Նիկոլ Փաշինյանի մոտ։ Հատկապես հայ–թուրքական բանակցությունների հարցում նման կադրային շարունակականությունը հատկանշական է։ Ինչպես նախկինում, այսօր էլ հայ–թուրքական հարաբերությունների կարգավորման գործընթացն ունի բովանդակային շատ նմանություններ, որոնց մասին խոսել ենք ու դեռ կխոսենք։

Նմանատիպ նյութեր

Թուրքիան առանցքային դիրք է զբաղեցնում տարածաշրջանում. Ֆիդան

Թուրքիան առանցքային դիրք է զբաղեցնում տարածաշրջանում. Ֆիդան

Թուրքիայի  արտաքին գործերի նախարար Հաքան Ֆիդանը հայտնել է, որ Թուրքիան առանցքային դիրք է զբաղեցնում Եվրոպան, Սևծովյան տարածաշրջանը, Հարավային Կովկասն ու Կենտրոնական Ասիան կապող հաղորդակցային ուղիներում։ Նոյեմբերի 16-ին Բրյուսելում կայացած «Միջտարածաշրջանային...

Եվրոպան չպետք է դառնա ԱՄՆ-ի կամ Չինաստանի վասալը. Մակրոն

Եվրոպան չպետք է դառնա ԱՄՆ-ի կամ Չինաստանի վասալը. Մակրոն

Ֆրանսիայի նախագահ Էմանուել Մակրոնը հայտարարել է, որ աշխարհում տիրող քաոսի պայմաններում կա երկու գերտերություններից մեկի վասալը դառնալու գայթակղություն։ Նրա խոսքով՝ Եվրոպայի նպատակը պետք է լինի բազմաբևեռ աշխարհակարգի և ռազմավարական ինքնավարության պաշտպանությունը։ Նման...

Վիճաբանություն-ծեծկռտուք՝ Պտղնիում. վիրավոր կա

Վիճաբանություն-ծեծկռտուք՝ Պտղնիում. վիրավոր կա

Նոյեմբերի 16-ին վիճաբանություն-ծեծկռտուք է տեղի ունեցել Կոտայքի մարզում։ Ժամը 01:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կոտայքի բաժնում տեղեկություններ են ստացվել, որ Վերին Պտղնի գյուղում գտնվող...

«Նուբարաշեն» ՔԿՀ-ում հայտնաբերվել են հոգեմետ դեղահաբեր․ բուժքույրը ձերբակալվել է

«Նուբարաշեն» ՔԿՀ-ում հայտնաբերվել են հոգեմետ դեղահաբեր․ բուժքույրը ձերբակալվել է

Քրեակատարողական ծառայության կենտրոնական մարմնի օպերատիվ վարչության «Նուբարաշեն» տարածքային բաժնում նախապես ստացվել էին տեղեկություններ այն մասին, որ «Նուբարաշեն» քրեակատարողական հիմնարկի խցերից մեկում առկա են թմրամիջոցներ և արգելված իրեր։ Այս մասին հայտնում են ՔԿԾ-ից։...

Արմավիրում հրդեհ է բռնկվել կենցաղային տեխնիկայի վերանորոգման սրահում. կանխվել է հրդեհի տարածումը

Արմավիրում հրդեհ է բռնկվել կենցաղային տեխնիկայի վերանորոգման սրահում. կանխվել է հրդեհի տարածումը

Նոյեմբերի 17-ին՝ ժամը 00:01-ին, Արմավիրի մարզային օպերատիվ կառավարման կենտրոն ահազանգ է ստացվել, որ հրդեհ է բռնկվել Արմավիր քաղաքի Ջիվանու փողոցում գտնվող կենցաղային տեխնիկայի վերանորոգման սրահում։ Դեպքի վայր է մեկնել ՆԳՆ ՓԾ մարզային փրկարարական վարչության...