«Այսօր խորհրդարանում եղած լրագրողները շատ ուշադիր պետք է լինեին։ Ամբողջ օրը Փաշինյանն անջատված նստած կառավարության հաշվետվություն էր լսում։ Մեկ էլ որ պայթեց, պատգամավորները, որ դահլիճում նստած էին, ասում են՝ անակնկալի եկած՝ խելագարի պես սկսեց շարել (նկատի ունի ֆեյսբուքյան գրառումները, խմբ․)»,- լրագրողների հետ ճեպազրույցում ասաց ԱԺ «Հայաստան» խմբակցության պատգամավոր Գեղամ Մանուկյանը։
Պատգամավորը, այլ գործընկերների և քաղաքացիների հետ միասին, բարերար, գործարար Սամվել Կարապետյանի տան մոտ էր եկել՝ ի աջակցություն նրա։ Հիշեցնենք, Սամվել Կարապետյանը դատապարտել էր եկեղեցու դեմ իշխանության գրոհները, որից հետո Փաշինյանը հատուկջոկատայիններին ուղարկել էր գործարարի տուն՝ խուզարկության։
«Նայեք էստեղ հարյուրավոր ոստիկաններ են դիմակավորված։ Սպասում են շեֆի հրահանգին»,- ասաց Գեղամ Մանուկյանը։
«Նիկոլ Փաշինյանը մի պահ ստատուս գրեց, կանչեց իր խմբակցության ղեկավարին, հանձնարարեց սկսել, ու բոլորը ինչ-որ անհոդաբաշխ նախադասություններով սկսեցին Ազգային Ժողովի ամբիոնց խոսել»,- ասաց պատգամավորը։
Սամվել Կարապետյանի առանձնատան մոտից ուղիղ հեռարձակումը՝ այստեղ։
Մանրամասն՝ տեսանյութում։
