Իրանի արտաքին գործերի նախարար Աբաս Արաղչին իսրայելական գրոհներն Իրանի տարածքի դեմ անվանել է միջազգային իրավունքի աղաղակող խախտումներ՝ նշելով, որ Իրանն ակնկալում է, որ Եվրամիությունը կդատապարտի Իսրայելի հանցավոր հարվածները, տեղեկացրել է Nour News-ը։

Ուրբաթ իտալացի գործընկերոջ՝ Անտոնիո Տայանիի հետ հեռախոսազրույցում Արաղչին դատապարտել է Իրանի միջուկային ենթակառուցվածքին և քաղաքացիական շրջաններին հասցվող հանցավոր հարվածները։

Նա այդ գործողություններն անվանել է հանցավոր ագրեսիա՝ նշելով, որ Իրանն ակնկալում է, որ Եվրամիությունը վճռական դիրքորոշում կգրավի խախտման աղաղակող ակտի հանդեպ։

Իրանի ժողովուրդը և նրա կառավարությունն ակնկալում է այս ահավոր ակտի միանշանակ դատապարտում միջազգային հանրության, մասնավորապես՝ Եվրամիության կողմից, ասել է Արաղչին։

Իր կողմից՝  Իտալիայի արտաքին գործերի նախարար Անտոնիո Տայանին, ընդգծելով ապաթեժացման կարևորությունը, ընդգծել է որ կապվել է Իսրայելի իշխանությունների հետ, որպեսզի արտահայտի իր վճռական անհամաձայնությունն այդ հարձակմանը։