Մոտ երկու շաբաթ առաջ Արմավիրի մարզի Նալբանդյան բնակավայրում տեղացած առատ կարկուտը մեծ վնասներ է հասցրել գրեթե բոլոր այգեգործական տնտեսություններին։

Այգեգործ Արսեն Գինոսյանը Marz News-ի թղթակցի հետ զրույցում նշել է, որ կարկուտի՝ իրեն հասցրած վնասը, իր հաշվարկով, մոտ 4 միլիոն դրամ է կազմում։ Մոտավորապես այդքան էլ Գինոսյանը գարնանը վարկ է վերցրել բանկից՝ հույսով, որ լավ բերք կստանա, կվաճառի, վաճառքից ստացած գումարով վարկը կմարի, բայց, ինչպես ինքն է ասում՝ շաբաթն ուրբաթից շուտ եկավ, սպասվելիք բերքը կարկտահարվեց և իրացման համար անպիտան դարձավ։

Նեղսրտած է Գինոսյանը։ Ասում է՝ գյուղացին իրեն անտեսված է զգում։ Այգեգործը պետությունից ֆինանսական աջակցություն չի ակնկալում, հորդորում է վարկերը սառեցնել։

Մանրամասն՝ տեսանյութում։