Գերմանիան, Մեծ Բրիտանիան, Ֆրանսիան և ԱՄՆ-ն վերացրել են Ուկրաինային մատակարարվող զենքի տեսականու սահմանափակումները, գերմանական WDR հեռուստառադիոընկերության փոխանցմամբ, հայտարարել է Գերմանիայի կանցլեր Ֆրիդրիխ Մերցը։
Նրա խոսքով՝ Գերմանիան «կանի հնարավոր ամեն ինչ»՝ շարունակելու Ուկրաինային աջակցությունը։
«Սա նշանակում է, որ Ուկրաինան կարող է պաշտպանվել, օրինակ՝ Ռուսաստանում ռազմական դիրքերին հարվածելով։ Մի բան, որ նախկինում չէր կարող՝ շատ հազվադեպ բացառություններով»,- պարզաբանել է Մերցը։
Եվրոպական մի շարք երկրների՝ Ուկրաինայի կողմից Ռուսաստանի տարածքին հրթիռային հարվածների հեռահարության սահմանափակումները վերացնելու որոշումը պոտենցիալ վտանգավոր է և հակասում է կարգավորման փորձերին: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Այդ որոշումները, եթե իրականում նման որոշումներ կայանան, բացարձակապես հակասում են քաղաքական կարգավորման հասնելու մեր ձգտումներին և այն ջանքերին, որոնք այժմ արվում են կարգավորման շրջանակներում»,- նշել է նա։
«Այսինքն, սա բավականին վտանգավոր որոշում է», — ամփոփել է Պեսկովը։
Ավելի վաղ հայտնի էր դարձել, որ ԱՄՆ-ն, Գերմանիան, Մեծ Բրիտանիան և Ֆրանսիան վերացրել են Կիևին հեռահար զենքի մատակարարման սահմանափակումները։ Այս մասին հայտարարել է Գերմանիայի կանցլեր Ֆրիդրիխ Մերցը։
«Այլևս չկան սահմանափակումներ Ուկրաինային մատակարարվող զենքի տիրույթում` ո՛չ բրիտանացիների, ո՛չ ֆրանսիացիների, ո՛չ մեր, ո՛չ էլ ամերիկացիների կողմից: Սա նշանակում է, որ Ուկրաինան այժմ կարող է պաշտպանվել, այդ թվում, օրինակ, հարվածներ հասցնելով ռուսական տարածքում գտնվող ռազմական դիրքերին։ Մինչև որոշակի պահ նա չէր կարող դա անել», — հայտարարել է Մերցը:
