Էներգետիկ անվտանգության փորձագետ Վահե Դավթյանի ֆեյսբուքյան գրառումը․ «Հայաստանում քաղաքական բովանդակության խորքային ճգնաժամ է։
Ներքաղաքական գործընթացը զուրկ է նախագծային բնույթից։ Հստակ ձևակերպված ռազմավարական նպատակների փոխարեն միայն արձագանքային պահվածք, իրավիճակային որոշումներ և իշխանությունը ցանկացած գնով պահպանելու ձգտում։
Բացակայում է ոչ միայն մեծ Գաղափարը, այլև քաղաքական նախագծման մշակույթը։ Չկա ապագա պետության մոդելի ու հասարակությանը համախմբող արժեհամակարգի ձևակերպում։
Պատմական-աշխարհաքաղաքական մտածողությունից զուրկ էլիտան գործում է ադմինիստրատիվ, այլ ոչ թե քաղաքական առաջնորդության տրամաբանությամբ։
Հայաստանը, գտնվելով աշխարհաքաղաքական տուրբուլենտության պայմաններում, կարիք ունի սուբյեկտության վերաիմաստավորման։ Սակայն առանց քաղաքական Նախագծի, առանց ապագայի հստակ Նախագծի՝ ցանկացած բարեփոխում դատապարտված է մնալ մակերեսային, ցանկացած պայմանավորվածություն՝ ժամանակավոր։
Քաղաքականություն առանց Նախագծի՝ իշխանություն առանց իմաստի»։
Նարեկ Կարապետյանի և Ալեքսան Ալեքսանյանի վերաբերյալ քրեական գործն ուղարկվել է դատարան. Hetq.am
Hetq.am-ը գրում է. «Ազգային ժողովի պատգամավոր Նարեկ Կարապետյանին և «Ուժեղ Հայաստան» կուսակցության գործադիր մարմնի ղեկավար Ալեքսան Ալեքսանյանին վերաբերող քրեական գործի նախաքննությունն ավարտվել է և մեղադրական եզրակացությամբ ուղարկվել է Հակակոռուպցիոն դատարան։ Գործը...
