«ՔՊ-ականներին վախեցնում է Երկրորդ նախագահի ներկայությունը․ վախկոտների մոտ վախը սարսափելի հետևանքներն է ունենում»,- 5-րդ ալիքի եթերում ասել է ԱԺ «Հայաստան» խմբակցության պատգամավոր Աղվան Վարդանյանը՝ անդրադառնալով խորհրդարանում տեղի ունեցած միջադեպին, երբ Լևոն Քոչարյանի ելույթից հետո ՔՊ-ականները սադրանքներ սկսեցին։
«Հակոբ Արշակյանը Լևոն Քոչարյանին ասում էր՝ դուրս կշպրտեմ։ Թող մարդիկ նայեն Հակոբ Արշակյանին, նայեն Լևոն Քոչարյանին ու պատկերացնեն, թե ինչպես է Հակոբ Արշակյանը դուրս շպրտում Լևոն Քոչարյանին․ ծիծաղից կմեռնեն, չէ՞։ Եփած հավի կամ Հակոբ Արշակյանի ծիծաղը կգա»,- նշեց նա։
Աղվան Վարդանյանն անդրադառնալով Նիկոլ Փաշինյանի վարկանիշին՝ ասաց․ «80-85 տոկոս վարկանիշ ունեցողն այսօր ունի 10-11 տոկոսի վարկանիշ և մաշվել է գրեթե մինչև քոքը, ինչպես ասում էր երկրորդ նախագահը»։
Հարցազրույցը՝ տեսանյութում։
