150 դրամ չվճարելու դեպքում քիչ է մնում գնդակահարություն սահմանեն. Գառնիկ Դանիելյան

14 Ապրիլի, 2025

ԱԺ «Հայաստան» խմբակցության պատգամավոր Գառնիկ Դանիելյանի ֆեյսբուքյան գրառումը․ «Սիրելի՛ հայրենակիցներ, տարեսկզբին ձեր ընդվզման արդյունքում քաղաքային իշխանությունները տրանսպորտի սակագինը նախատեսված 300 դրամի փոխարեն սահմանեցին 150 դրամ։
Մինչ օրս էլ հազարավոր քաղաքացիներ շարունակում են բոյկոտը՝ չհամակերպվելով հերթական թանկացմանը։
Այսօր ՏՏԳՇՄՊ հարցերի մշտական հանձնաժողովի հերթական նիստին բերվել էր մի նախագիծ, որը նախատեսում է վարչական տուգանք՝ տրանսպորտից առանց վճարի օգտվելու պարագայում։
Միասնական տոմսային համակարգի ներդնումը և տուգանքների սահմանումը արվում են նաև այն բանի համար, որպեսզի ընդդիմադիր ավագանու անդամների բերած ստորագրությունների հիման վրա տեղի ունենալիք նիստը ապօրինաբար բոյկոտելուց հետո մեր գործընկերները չկարողանան հարցը տանել հանրաքվեի։
Այս օրինագիծը բերելով՝ իշխանությունները փուլ առ փուլ պատրաստվում են նոր թանկացումների՝ կանխելով, որ մեր քաղաքացիներն իրենց բողոքի ձայնը բարձրացնեն։
150 դրամ չվճարելու դեպքում այնպիսի գործիքակազմ են ուզում կիրառել, որ քիչ է մնում գնդակահարություն սահմանեն․ խուզարկելու են մեր քաղաքացիներին, տնտղելու անձնական իրերը։
Ըստ այս տխրահռչակ օրինագծի, այն քաղաքացիները, որոնք չեն վճարում տրանսպորտից օգտվելիս, տուգանվելու են 10000 դրամի չափով, իսկ, նրանք, որոնք օգտվելու են, ենթադրենք, իրենց ընտանիքից մեկ այլ անդամին տրված արտոնությունների փաթեթից, տուգանվելու են 15000 դրամի չափով։ Որտե՞ղ է տրամաբանությունը։
Անգամ իշխանական պատգամավորները, որոնց հրահանգված էր կողմ քվեարկել, համաձայնեցին, որ նախագիծը խնդրահարույց է։
Քաղաքացու գրպանը մտնելով, սոցիալական բեռը օր օրի ծանրացնելով, միայն ավելի եք ուժգնացնում ձեր հանդեպ ատելությունը»։

Նմանատիպ նյութեր

«Նուբարաշեն» ՔԿՀ-ում հայտնաբերվել են հոգեմետ դեղահաբեր․ բուժքույրը ձերբակալվել է

«Նուբարաշեն» ՔԿՀ-ում հայտնաբերվել են հոգեմետ դեղահաբեր․ բուժքույրը ձերբակալվել է

Քրեակատարողական ծառայության կենտրոնական մարմնի օպերատիվ վարչության «Նուբարաշեն» տարածքային բաժնում նախապես ստացվել էին տեղեկություններ այն մասին, որ «Նուբարաշեն» քրեակատարողական հիմնարկի խցերից մեկում առկա են թմրամիջոցներ և արգելված իրեր։ Այս մասին հայտնում են ՔԿԾ-ից։...

Արմավիրում հրդեհ է բռնկվել կենցաղային տեխնիկայի վերանորոգման սրահում. կանխվել է հրդեհի տարածումը

Արմավիրում հրդեհ է բռնկվել կենցաղային տեխնիկայի վերանորոգման սրահում. կանխվել է հրդեհի տարածումը

Նոյեմբերի 17-ին՝ ժամը 00:01-ին, Արմավիրի մարզային օպերատիվ կառավարման կենտրոն ահազանգ է ստացվել, որ հրդեհ է բռնկվել Արմավիր քաղաքի Ջիվանու փողոցում գտնվող կենցաղային տեխնիկայի վերանորոգման սրահում։ Դեպքի վայր է մեկնել ՆԳՆ ՓԾ մարզային փրկարարական վարչության...

Էլ գող փիսո, էլ քաչալ շուն․ ընդդիմությունն ընդամենը լսումներ է արել՝ ինչու եք խառնվել իրար․ Քրիստինե Վարդանյան

  «Սիրելի հայրենակիցներ, կհարցնեք՝ ինչ է տեղի ունեցել, ինչ է կատարվում իշխանության հետ, ինչու են այսքան վրդովվել։ Սիրելի հայրենակիցներ ջան, ընդդիմությունը լսում է արել, ընդամենը լսումներ արել, ոչ մի այլ բան տեղի չի ունեցել....

Ժողովուրդն ասաց․ «չի լինի՝ չի լինի»․ Համակերպվե՛ք դրա հետ․ Արթուր Խաչատրյանը՝ ՔՊ-ին 

«Նիկոլ Փաշինյանը հայտարարում էր՝ ասում էր, որ եթե իր օգտին չքվեարկեք ոչ թե պարզ մեծամասնությամբ, այլ սահմանադրական մեծամասնությամբ, սեպտեմբերին պատերազմ կլինի, խաղաղություն չի լինի։ Ի՞նչ ասաց ժողովուրդը։ Ժողովուրդն ասաց․ «չի լինի՝ չի...

Երբ որ խոսում եք «Պապլավոկ»-ի դեպքի մասին, հիշեք Սոնա Մնացականյանի դեպքը․ Մեսրոպ Մանուկյան

  «Հարգելի հայրենակիցներ, կարծում եմ՝ դուք արժանի չեք, որ Ազգային ժողովի այս պատկերը ամեն անգամ տեսնեք, ու այս ամենի մեղավորը, անկեղծ, գործող իշխանությունն է։ Այսինքն՝ մեր հանրությունը, մեր ժողովուրդը արժանի չէ, որ ամեն անգամ գա ու...