ԱՄՆ-ի հետ առաջիկա բանակցությունների գլխավոր նպատակը պատժամիջոցների վերացումն է։ Այս մասին Ալժիրում լրագրողների հետ զրույցում հայտարարել է Իրանի արտգործնախարար Աբբաս Արաղչին՝ անդրադառնալով Օմանում Իրանի և ԱՄՆ-ի պատվիրակությունների միջև կայանալիք բանակցություններին։
Արաղչին հայտարարել է, որ ԱՄՆ-ի հետ առաջիկա բանակցությունների գլխավոր նպատակը պատժամիջոցների վերացումն է:
«Վստահության ամրապնդման միջոցների դիմաց անհիմն մեղադրանքների հիման վրա կիրառված անարդար պատժամիջոցները պետք է հանվեն»,- նշել է նա։
Արաղչին կարևորել է գործընթացի արդյունավետությունը և համաձայնության հասնելու կողմերի պատրաստակամությունը՝ ընդգծելով, որ երբ բանակցությունները հիմնված են ճնշման կամ սպառնալիքի վրա, դրանք դառնում են թելադրանք, ոչ թե երկխոսություն:
«Այդ պատճառով Իրանը նախընտրում է անուղղակի ձևաչափը, որը թույլ է տալիս իրական բանակցություն վարել»,- նշել է նա։
