«Քաղաքացիական պայմանագիր» կուսակցությունում հասկանում են, որ 2026 թվականին իշխանություն կորցնելու վտանգ կա։ Այս մասին ասուլիսի ընթացքում ասաց քաղտեխնոլոգ Վիգեն Հակոբյանը` մեկնաբանելով պատգամավորական մանդատից հրաժարված Վիլեն Գաբրիելյանի` Գյումրիում արած սկանդալային ակնարկը, թե 2026 թվականին իրենք իշխանության չեն լինի։
«ՔՊ–ի ներսում մոտ 7–8 ծայրահեղ օդիոզ ֆիգուրներ կան, որոնք կամիկաձեի նման են ու իրենց դիրքորոշման մեջ պատրաստ են մինչև վերջ գնալ։ Կան նաև այնպիսինները, որոնք քիչ օդիոզ են, գուցե նաև մի քիչ ավելի ադեկվատ են, որոնք երեկոյան տուն են գնում, երևի մի բաժակ էլ խմում են ու անկեղծանում են։ Այդ մարդիկ ընդհանուր առմամբ հասկանում են իրավիճակը, նրանք հարազատներ էլ ունեն նաև, որոնք գոհ չեն տեղի ունեցող իրադարձություններից։ Ես կարծում եմ՝ տրամադրություն կա, որ պետք է իշխանափոխություն լինի»,– նշեց Հակոբյանը։
Մանրամասն՝ տեսանյութում։
