Բաքվի և Երևանի միջև անշրջելի և կայուն խաղաղության հասնելու համար անհրաժեշտ է փոխել Հայաստանի Սահմանադրությունը՝ դրանից բացառելով «Ադրբեջանի նկատմամբ տարածքային պահանջները». այս մասին ասել է Ադրբեջանի նախագահ Իլհամ Ալիևի հատուկ հանձնարարությունների գծով ներկայացուցիչ Էլչին Ամիրբեկովը:
Բաքուն բազմիցս կրկնել է խաղաղության պայմանագրի ստորագրման՝ նախկինում հնչեցված նախապայմանը՝ փոխել Հայաստանի մայր օրենքը։ ՔՊ-ական իշխանությունը ևս հայտարարել է սահմանադրության փոփոխության մասին, սակայն ներկայացնելով դա որպես սեփական նախաձեռնություն։
