Միհրդատ Մադաթյանը ֆեյսբուքյան իր էջում գրում է.
ՄԱՍ 3
ПУСТЬ ПЛАТИТ ОДИН ВОСЕМЬДЕСЯТ ПЯТЬ, БОЛИВАРУ НЕ СНЕСТИ ДВОИХ.
(Վերնագրիրը՝ հատուկ այն մարդկանց համար, ովքեր ԿԱՐԴԱՑԵԼ ԵՆ Օ. Հենրիի «Дороги, которые мы выбираем» գրվածքը և ցիտում են հասկանալով, թե սույն ցիտատը ինչ է նշանակում)։
Ես խոստացել էի, որ քանի մեր ՀՀԿ գործընկերները… Ամեն դեպքում, այսօր տեսա ոմն Генрих Даниелян-ի անդրադարձը իմ գրառմանը, ով համացանցում ներկայանում է որպես՝ ՀՀԿ երիտասարդական կազմակերպության նախագահ, և առանձնահատուկ չէի ցանկանում անդրադառնալ այս երիտասարդի ԲԱՆՍԱՐԿՈւԹՅԱՆԸ, եթե իմ կողմից շատ հարգված Էդուարդ Շարմազանով \ Eduard Sharmazanov-ը, իր ՖԲ էջում չկիսվեր այդ, նիկոլականների՝ «4 միլիարդի առասպելի» նման կեղծիք տարածող գրառումը, և ինչով կարծես թե պաշտոնապես չհայտարարեր, որ այս, «Հայկական Ժամանակի» ոճով արված բանսարկությունը, որը միտված է կեղծ ինֆորմացիա տարածել, ունի ՀՀԿ համակարգային բնույթ։ Իհարկե ինձ համար հասկանալի չէ, թե առ այսօր տրված իմ 7 հարցերից ինչու՞ էր ՀՀԿ-ի համար ԱՄԵՆԱՑԱՎՈՏԸ եղել Արմեն Սարգսյանի հետ կապված հարցը (տես նախորդ գրառումս, 5-րդ հարցս Սերժ Սարգսյանին), ընդ որում, այն էլ ոչ թե բուն հարցը, այլ ձևակերպման ձևը… ))))) (գրառման անդրադարձը, որի մասին խոսում եմ, ստորև՝ սքրինշոթով)։
Հիմա ուզում եմ այստեղ դնել այն պաշտոնական հաղորդագրությունը, որտեղ նախագահ Ռոբերտ Քոչարյանի գրասենյակի ղեկավար Բագրատ Միկոյանը փաստում է, որ՝ «Նախագահ Քոչարյանը նախագահի ՀՀԿ թեկնածու Արմեն Սարգսյանի հետ 2018 թվականին որևէ հանդիպում չի ունեցել…» (ում հետաքրքիր է ամբողջական կարդալ հայտարարությունը՝
Եվ քանի որ ես հասկացա, որ ցավոտ էր հենց այս հարցը, փորձեմ երրորդ նախագահ Սերժ Սարգսյանին ուղղված այսօրվա հարցերս ձևակերպել այսօրվա բանսարկության թեմային մոտ՝
8. Ինչպե՞ս եղավ, որ 2013 թվականին Երևան քաղաքի դատախազ նշանակված, 2016թ. հունիսի 22-ի՝ ՀՀ նախագահի հրամանագրով ՀՀ գլխավոր դատախազի տեղակալ և համարյա անմիջապես ՀՀ գլխավոր դատախազ նշանակված Արթուր Դավթյանը, 2018 -ից մինչև 2022 թվականը մնաց աշխատել այս, Ձեր որակումով «Կապիտուլյանտի» հետ, ակտիվ հսկելով Փաշինյանականների անվանած՝ «Ռոբերտ Քոչարյանի եւ մյուսների» գործը, իսկ արդեն 2022 թվականից հետո, ազատվելով աշխատանքից, կրկին սկսեց դիրքավորվել որպես «ընդդիմադիր»։ Երկորդ նախագահի ազգականները հուսամ չեն սպառնացել նրան մնալ և աշխատել…
9. Ինչպե՞ս եղավ, որ 2011 թվականին ՀՀԿ կողմից ԿԸՀ նախագահ «նշանակված» Տիգրան Մուկուչյանը, ում ինքը՝ Փաշինյանը որակում էր որպես «նկարիչ» ու բազմաթիվ բողոքներ է ունեցել նրա մասով, ի լուր ամբողջ աշխարհի գոռալով, որ վերջինս ընտրություններ է կեղծում, կրկին… Խնդրում եմ ուշադիր, մինչև 2022 թվականը մնում է աշխատելու Փաշինյանի հետ անցկացնելով 2018 թվականի խորհրադարանական ընտրությունները և ուշադիր… 2021 թվականի արտահերթ ընտրությունները։ Ի պատիվ իրեն, 2022 թվականին, իր պաշտոնից հեռանալուց հետո, համենայն դեպս հանրայնորեն, որպես ընդդիմադիր չի դիրքավորվում։ Ռոբերտ Քոչարյանը սրա հետ է՞լ է կապված։
10. Ինչպե՞ս եղավ, որ կրկին՝ 2016 թվականին ՀՀԿ մեծամասնություն ունեցող ԱԺ-ով ՀՀ մարդու իրավունքների պաշտպան ընտրված Արման Թաթոյանը, բռնի հեղաշրջումից հետո, մնաց աշխատելու «կապիտուլյանտի» և 2018 թվականի ՔՊ խորհրդարանի հետ ինչպես նաև 2021 թվականի խորհրդարանի հետ, և միայն 2022 թվականին պաշտոնից հրաժարվելուց հետո կրկին դիրքավորվեց որպես ընդդիմադիր, և որոշ ՀՀԿ-ի հետ աֆիլացվող շրջանակների համար նույնիսկ որպես «փռգիչ»։
Հիմա այս գրառումը կարդացողներից շատերը հարց կտան՝ ի՞նչի եմ ես այս սուբյեկտներին հիշել, ասեմ՝ 2015 թվականին, իշխող կուսակցության խոսնակը, Էդուարդ Շարմազանովը հայտարարեց՝ «առաջիկա 10 տարիներին ամենաազդեցիկ քաղաքական ուժը՝ Հանրապետական կուսակցությունն է լինելու… Եվ անկախ նրանից՝ ով ինչ պաշտոն է ուզում զբաղեցնի, առանց Մելիք-Ադամյան 2-ով անցնելու, այսինքն՝ առանց Հանրապետական կուսակցության կարծիքը հարցնելու՝ ծանրակշիռ կարծիքը, չի կարող հաջողություն ունենալ»։
Ճանաչելով պրն Շարմազանովին, ի պատիվ իրեն պետք է ասեմ, որ նա ազնիվ ՀՀԿական է և լինելով ՀՀԿ խոսնակ, միշտ արտահայտել է նախագահ Սարգսյանի կուսակցության պաշտոնական կարծիքը։ Հավելեմ, որ 2014 թվականի ապրիլին էլ՝ վարչապետ Տիգրան Սարգսյանի անակնկալ հրաժարականից շաբաթներ անց, Շարմազանովը հայտարարել էր՝ «…եթե որևէ մեկը հավակնում է դառնալ Հայաստանի Հանրապետության նախագահ կամ վարչապետ, ապա այդ ճանապարհը ուղիղ անցնում է Մելիք-Ադամյան փողոցով»:
Հիմա իրավմամբ հնչեցնեմ այսօրվա բոնուսային հարցը՝ (…барабанная дробь…)
11. 2018 թվականի մայիսի 8-ին, Հայաստանի Ազգային ժողովի պատգամավորների 59 կողմ, 42 դեմ ձայնով Հայաստանի 16-րդ վարչապետ ընտրված Նիկոլ Փաշինյանը… ԱՆՑԵ՞Լ Է ՄԵԼԻՔ-ԱԴԱՄՅԱՆ ՓՈՂՈՑՈՎ։ Հուսամ հասկանում եք, որ ՀՀ երկրորդ նախագահ Ռոբերտ Քոչարյանի կարծիքը չէր արտահայտում ՀՀԿ խոսնակը։
Կարծում եմ հարցս տրամաբանական է, քանզի 2018 թվականը ընկնում է Շարմազանովի հիշատակած 10 տարիների ժամանակահատվածում, Տիկնայք և Պարոնայք 😉
Ինչպես և խոստացել եմ՝
ՇԱՐՈւՆԱԿԵԼԻ…
#գլուխը_միայն_ուտելու_համար_չի
