Քաղաքական հիմնական ուժերը դիրքավորվելու, իրենց կարողությունը մեծացնելու խնդիր են փորձում լուծել։ Եթե համախմբում հնարավոր չէ, տարանջատվելն ու մոտեցումները հստակեցնելը մյուս ժանապարհն է։ Այս մասին խորհրդարանական ճեպազրույցների ժամանակ նշեց «Հայաստան» խմբակցության պատգամավոր Աղվան Վարդանյանը:
«Այս առումով նախագահ Քոչարյանի ասուլիսը կատալիզատոր դարձավ: Երկրորդի ծանրակշիռ ներկայությունը շատերի մոտ է խնդիր առաջացնում: 2015-ից Հայաստանը խորհրդարանական երկիր է։ 2018-ին գործադիր իշխանութունը հանձնել է խորհրդարանը, հետո էլ ԱԺ-ն է հանձնել: ՀՀԿ-ն մեծամասնություն էր։ Կարո՞ղ էին չհանձնել։ Իրենք են ասել՝ եթե իմանայինք այսպիսի հետևանքներ են լինելու, այլ կերպ կվարվեինք։ Ավելի վճռական կլինեինք։ Մինչև վերջին պահը համոզված էին, որ ամեն ինչ վերահսկողության տակ է, այդպես էին զեկուցում։ Էլեկտրիկ Երևանի նոր տարբերակն էր։ Հետո միանգամից փլվեց։ Արտաքին ուժային կենտրոններից մեկը զանգվածը մեծացրեց փողով, ՀԿ-ներով, այլով, մյուսը տեսավ, որ բանը բանից անցնում է, որոշեց անմասն չմնալ, զանգվածը կրկնապատկվեց։ Այստեղից էլ՝ ես Նիկոլին չեմ պարտվել, այլ՝ շատ ավելի հզոր ուժերի՝ հաստատումը»,-ասաց Վարդանյանը։
Մանրամասն՝ տեսանյութում։
