ԱԺ «Հայաստան» խմբակցության պատգամավոր Արթուր Խաչատրյանը գրել է․
«2021 թվականի փետրվարի 25-ը «իրական» Հայաստանի պատմության ամենախորհրդանշական օրերից մեկն է։ Երկար է հիշվելու։ Այդ օրը Թուրքիան «խստորեն դատապարտեց Հայաստանում ռազմական հեղաշրջման փորձը»։ Պատկերացնու՞մ եք՝ դատապարտեց հեղաշրջման փորձը։ Իսկ ավելի պարզ՝ միջամտեց Հայաստանի ներքին գործերին ու աջակցեց Նիկոլ Փաշինյանին ․․․ Բա այդ լավության տակից դուրս գալու համար մի Արարատն ուրանալն ի՞նչ է Փաշինյանի համար։
Հիշեցնեմ, որ 2021 թվականի փետրվարի 25-ի ՀՀ ԶՈՒ Գլխավոր շտաբը պահանջեց «ՀՀ վարչապետի և կառավարության հրաժարականը, միաժամանակ նախազգուշացրեց՝ ձեռնպահ մնալ ժողովրդի դեմ ուժ կիրառելուց, ում զավակները զոհվել են՝ պաշտպանելով Հայրենիքն ու Արցախը»։ Նիկոլ Փաշինյանն այդ հայտարարությունը գնահատեց որպես հեղաշրջման փորձ։ Նրա հետ համաձայնվեցին ու նրան պաշտպանեցին թուրքերը ․․․»։
