7 զինծառայողի վրաերթի ենթարկած «ԳԱԶ-53» բեռնատարի վարորդը Վահան գյուղի բնակիչ է, պայմանագրային զինծառայող և 3 անչափահաս երեխաների հայր, News.am-ի հետ զրույցում ասել է Վահան գյուղի վարչական ղեկավար Արշակ Մկրտչյանը։
Նա եղել է իր սեփական բեռնատարով, դրանք տարվա մեջ կարող է մեկ ամիս շահագործվեն․ գյուղատնտեսական աշխատանքների ժամանակ իրենց խոտը դաշտից բերում են տուն, կանգնեցնում են, մեկ էլ հաջորդ տարի այս ժամանակ է շահագործում։ Մեքենան եղել է առանց պետհամարանիշի։ Իրավապահները պարզել են, որ այն պիտանի չի եղել շահագործման։ Վարորդը վարորդական վկայական չունի նա ձերբակալված է։
Գյուղապետի փոխանցմամբ՝ ճանապարհը նոր ասֆալտապատված է, բայց վրաերթի հատվածում լուսավորված չէ։ Վարորդը մեքենան գազալցակայանում լիցքավորելուց հետո տուն վերադառնալիս է եղել և մութ ճանապարհին չի նկատել վազող զինծառայողներին։ Վրաերթը տեղի է ունեցել Ճամբարակի զորամասից մի քանի հարյուր մետր հեռավորության վրա։
Վարորդը սթափ վիճակում է եղել, դեպքից հետո էլ փախուստի չի դիմել։
Վրաերթից մահացած զինվորը Կոտայքի մարզի Ձորաղբյուր համայնքի բնակիչ է, 24News-ին ասել է վարչական շրջանի ղեկավար Կարեն Խաչատրյանը։
Սուրեն Վարդանյանը ծնվել է 2007 թվականին: Նա ընտանիքի կրտսեր որդին է, ունի մեկ եղբայր։
