«Քննարկվում է Ազգային ժողովի կառուցվածքի տեսանկյունից ամենաառանցքային նշանակություն ունեցող մշտական հանձնաժողովի նախագահի թեկնածության հարցը։
Նախքան մշտական հանձնաժողովի բուն գործունեությանը և դրա շրջանակներում ներկայացված հարցերին անդրադառնալը՝ ուզում եմ մի քանի հանգամանքի անդրադառնալ, որոնք որոշակի իմաստով կրկին կապ ունեն պաշտպանության և անվտանգության մշտական հանձնաժողովի հետ։
Կարծես թե մի օրինաչափություն է դարձել։ Օգոստոսի 2-ից քննարկվում է Ազգային ժողովի կառուցվածքի, ինչպես նաև ընտրություններին մասնակցած ուժերից «Բարգավաճ Հայաստան» կուսակցության ձայների խնդիրը։
Եկեք մի հատ ճշգրտում մտցնենք, որ հնարավոր է՝ մեր հայրենակիցները պատգամավորներից մեկի դիրքորոշումը լսելիս պատկերացնեն, որ այսպես ասած՝ ինչ-որ մասշտաբային անհամապատասխանություններ կան, մեկնաբանման տիրույթում հարցեր կան և այլն։
Խոսքը գնում է 135 ձայնի մասին։ 135 ձայնի մասին, որը «Բարգավաճ Հայաստան» կուսակցությունը ստացել է։ Այսինքն՝ ստացել է ընդհանուր առմամբ 58 հազար 135 ձայն, ուղղակի Կենտրոնական ընտրական հանձնաժողովը երկու ընտրական տեղամասերի արդյունքները անվավեր ճանաչելով՝ հանեց այդ 135-ը»,- այս մասին հայտարարեց ԱԺ «Ուժեղ Հայաստան» խմբակցության պատգամավոր Արամ Վարդևանյանը։
Մանրամասն՝ տեսանյութում։
