«Ապրելու երկիր» կուսակցության խորհրդի անդամ Մարտա Գերասիմյանը ֆեյսբուքի իր էջում հայտնում է, որ «ՏաԹևեր» ճոպանուղու հարակից տարածքում ակցիա է տեղի ունեցել ի աջակցություն Ռուբեն Վարդանյանի և Բաքվի բանտերում պահվող մյուս հայ գերիների։
«Տաթև համայնքի բնակավայրերից, Գորիս և Տեղ համայնքներից «ՏաԹևեր» ճոպանուղու հարակից տարածքում գտնվող քաղաքացիները իրենց անհաշտությունն են հայտնում՝ բաքվի բանտերում գտնվող մեր հայրենակիցների նկատմամբ իրականացվող կեղծ դատավարության և անմարդկային վերաբերմունքի վերաբերյալ, ինչպես նաև, կո՜չ անում ՀՀ կառավարությանը, միջազգային հանրությանը և ՀՀ-ում հավատարմագրված դեսպաններին, որպեսզի գործուն քայլեր ձեռնարկվի մեր հայրենակիցների նկատմամբ իրականացվող անմարդկային վերաբերմունքի դադարեցման և նրանց անհապաղ ազատ արձակման նպատակով« գրում է Գերասիմյանը։
