Երեկ հայտնի դարձավ, որ Երևան քաղաքի առաջին ատյանի ընդհանուր իրավասության քրեական դատարանը` Մասիս Մելքոնյանի նախագահությամբ, բավարարել է փաստաբանների միջնորդությունը` սպանության կազմակերպման մեջ մեղադրվող «Չաղ Ռուստամը»` Ռուստամ Ստեփանյանը, ազատ է արձակվել, նրա նկատմամբ կիրառվեց այլընտրանքային խափանման միջոց:
Ուշագրավ է, որ սպանության համար կալանավորված «Չաղ Ռուստամին» ազատ է արձակել դատավոր Մասիս Մելքոնյանը։
Հիշեցնենք, որ նա Արամ Զաավենի Սարգսյանի կուսակցության ցուցակով ընտրությունների էր մասնակցել՝ լինելով Հանրապետության կուսակցության անդամ։ Դանալով դատավոր՝ հիմնականում նրան մակագրվել են ընդդիմադիրներին կալանքի տակ տանելու գործերը, մասնավորապես՝ Լևոն Քոչարյանի, Գարիկ Գալեյանի և այլ ընդդիմադիրների, և նա կալանքի միջնորդությունները բավարարել է։
Ստացվում է՝ դատական բարեփոխումների ենթարկված Հայաստանում դատավորը բողոքի ակցիայի մասնակիցներին կալանավորում է, սպանության գործով կալանավորվածին բաց թողնում։
Հիշեցնենք, որ սպանությունը տեղի էր ունեցել հունիսի 11-ին՝ ուշ երեկոյան, Աջափնյակ վարչական շրջանում. մահաբեր կրակոցներն արձակվել էին բնակելի շենքերի մոտ։
Դեպքի առթիվ ՀՀ քրեական օրենսգրքի 155-րդ հոդվածի 2-րդ մասի 7-րդ կետի, 44-155-րդ հոդվածի 2-րդ մասի 7-րդ կետի և 335-րդ հոդվածի 1-ին մասի հատկանիշներով նախաձեռնվել էր քրեական վարույթ։
Սերգեյ Գրիգորյանի սպшնությունից շուրջ մեկ ամիս անց ձերբակալվել, ապա՝ կալանավորվել էին Ռուստամ Ստեփանյանը՝ «Չաղ Ռուստամը» և Ա․ Կյուրեղյանը՝ սպшնության կազմակերպման մեղադրանքով։ «Չաղ Ռուստամը», ըստ շրջանառվող լուրերի, կապ ունի գործող իշխանության որոշ ներկայացուցիչների հետ։
