Այս հարցին, համենայնդեպս, այս փուլում պատասխանելը ոչ մարդկային էթիկայի տեսանկյունից, ոչ էլ մասնագիտական տեսանկյունից ճիշտ չէ: Այս մասին լրագրողների հետ զրույցում ասաց ՀՀ մարդու իրավունքների պաշտպան Անահիտ Մանասյանը՝ պատասխանելով հարցին` կհամաձայնի՞ նշանակվել Արդարադատության նախարար, եթե առաջարկ ստանա, թե ոչ:
«Ես համարում եմ, որ ես այս պահին այնտեղ եմ, որտեղ պետք է լինեմ, շատ մեծ պատասխանատվությամբ ու հաճույքով կատարում եմ ՄԻՊ առաքելությունը»,- ասաց Մանասյանը:
Հարցին` ոլորտը շա՞տ կտուժի, եթե ՔՊ-ական Արփի Դավոյանը նշանակվի նախարար` ՄԻՊ-ն արձագանքեց. «Կխնդրեմ այս հարցի վերաբերյալ այլ հարցեր չտալ, որևէ այլ մեկնաբանություն չեմ ունենալու»:
Անդրադառնալով տեղեկություններին, որ արդարադատության նախարարի պաշտոոնում իր թեկնածությունը լոբբինգ է անում իր ընկերուհի Աննա վարդապետյանը, Անահիտ Մանասյանն ասաց. «Ընդհանրապես կոռեկտ չեմ համարում այն ձեւակերպումները, այն հարցադրումները, որոնց ձեւաչափով տրվում են հարցերը: Այս փուլում որեւէ մեկնաբանություն չունեմ»:
