Թբիլիսիի հրաձգարաններից մեկում պայթյուն է եղել․ երկու մարդ զոհվել է

Թբիլիսիի Բոչորմա փողոցում (Իսան թաղամաս) Battleground հրաձգարանում տեղի ունեցած պայթյունի հետևանքով երկու մարդ զոհվել է, չորսը վիրավորվել։ Այդ մասին հայտնում է «sputnik-georgia»-ն հղում անելով ՆԳՆ-ին։

Պայթյունի մասին տեղեկությունը լրատվամիջոցներում հայտնվեց կիրակի կեսօրին։

«Այս փուլում առկա տեղեկատվության համաձայն՝ Թբիլիսիի Բոչորմա փողոցի թիվ 12 հասցեում գտնվող Battleground խանութի հրաձգարանում տեղի ունեցած պայթյունի հետևանքով երկու քաղաքացի է զոհվել, չորսը՝ վիրավորվել»,-հայտնում են գերատեսչությունից։

Հաղորդագրությունը ստանալուց հետո դեպքի վայր են ժամանել ՆԳՆ համապատասխան ստորաբաժանումների աշխատակիցները՝ հրշեջներ, պարեկային և քրեական ոստիկանության ներկայացուցիչներ։

Այս պահին ձեռնարկվում են բոլոր անհրաժեշտ քննչական միջոցառումները։