Արցախը ԽՍՀՄ-ից անկախացել է ավելի շուտ, քան՝ Ադրբեջանը․ Լարիսա Ալավերդյան

«Միայն ու միայն Ֆրանսիայի խորհրդարանն է երկու անգամ ճանաչել է Արցախի Հանրապետության անկախությունը»,-դիմաց Ֆրանսիայի դեսպանատան մոտ մեկնարկած «Մենք Արցախն ենք» խորագրով ակցիայի ժամանակ  հայտարարեց ՀՀ առաջին ՄԻՊ Լարիսա Ալավերդյանը և բոլորի անունից շնորհակալություն հայտնեց ֆրանսիայի ազատատենչ ժողովրդին:

Լարիսա Ալավերդյանը հայտնեց, թե ակնկալում են, որ այլևս չի լինի այնպես, ինչպես ասել էր Ֆրանսիայի գործադիր մարմնի ներկայացուցիչը՝ ԱԳ նախարարը, թե իրենց համար նշանակություն չունի  խորհրդարանի որոշումը:

«Ճիշտ հակառակը՝ակնկալում ենք  աշխարհում առաջինն ազատության համար պայքարող ֆրանսիային հարիր քայլերով, ֆրանսիայի գործադիր իշխանությունը կանի անհրաժեշտ քայլը և ճանաչի լեռնային ղարաբաղի հանրապետությունը»,-ասաց նախկին ՄԻՊ-ը:

Նա ասաց, որ ողջունում են բոլոր հայտարարությունները՝ նաև Ֆրանսիայի հարգարժան նախագահի:

Լարիսա Ալավրեդյանը նաև հայտնեց, որ անգրագիտություն է պնդումը, թե որևէ մեկը ճանաչել է Ադրբեջանը խորհրդային սահմաններով, քանի որ ՄԱԿ-ը չունի ճանաչման որևէ գործառույթ, առավել ևս՝ սահմանների, իսկ Արցախը, նշեց նա, ԽՍՀՄ-ից անկախացել է ավելի շուտ, քան՝ Ադրբեջանը:

Մանրամասն՝ տեսանյութում։