06  04  2018

Հայաստանում սովորում է 3757 սփյուռքահայ և 2491 օտարերկրացի ուսանող. վիճակագրություն

Հայաստանում սովորում է 3757 սփյուռքահայ և 2491 օտարերկրացի ուսանող. վիճակագրություն

2017-2018 ուսումնական տարում ՀՀ ուսումնական հաստատություններում սովորում է 3757 սփյուռքահայ, որից 1847-ը՝ ՀՀ պետական, 536-ը՝ ոչ պետական, 1012-ը՝ միջազգային բուհերում, իսկ 362-ը՝ քոլեջներում: Ամենամեծ թվով սփյուռքահայեր սովորում են Ռուսաստանի Դաշնությունից՝ 1454, Վրաստանից՝ 1209, Սիրիայից՝ 536, Իրանից՝ 139 և այլն: Այս մասին հայտնում է կրթության և գիտության նախարարությունը:

ՀՀ պետական բուհերի 1847 սովորողներից 607-ը սովորում է Երևանի Մ. Հերացու անվան պետական բժշկական համալսարանում, 234-ը՝ Երևանի պետական համալսարանում, 203-ը՝ Ճարտարապետության և շինարարության Հայաստանի ազգային համալսարանում և այլն: Նախապատրաստական կուրսում սովորում է 82, բակալավրիատում՝ 1551, մագիստրատուրայում՝ 199, ասպիրանտուրայում՝ 15 սփյուռքահայ ուսանող:

2017-2018 ուսումնական տարում ՀՀ բուհերում սովորում է 2491 օտարերկրյա ուսանող: Ամենամեծ թվով ուսանողներ սովորում են Հնդկաստանից՝ 1142, Իրանից՝ 430, Իրաքից՝ 404, Իսրայելից՝ 118 և այլն: Պետական բուհերում սովորում է՝ 1307, ոչ պետական բուհերում՝ 963, միջազգային բուհերում՝ 203 և քոլեջներում՝ 18 օտարերկրյա ուսանող:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ