Զելենսկին բաց նամակով դիմել է Պուտինին՝ առաջարկելով բանակցություններ և պատերազմի ավարտի ուղի.
Զելենսկին նշել է, որ 26 տարի առաջ բազմաթիվ ուկրաինացիներ դրական էին վերաբերվում Պուտինին, սակայն այսօր բացարձակ մեծամասնությունը աջակցում է Ռուսաստանի տարածքում անօդաչու թռչող սարքերի հարվածներին։ Նրա խոսքով՝ ռուսական հասարակությունը հոգնել է պատերազմից, բենզինի պակասից, գների աճից և հնարավոր երկրորդ զորահավաքի ալիքից։
Զելենսկին հայտարարել է, որ Ուկրաինան պատերազմը տեղափոխել է Ռուսաստանի տարածք, և որ Պուտինն առաջին անգամ Ռուսաստանի պատմության ընթացքում ստիպված է օգնություն խնդրել Հյուսիսային Կորեայից և կախված լինել Չինաստանից։
«Դուք կարող եք կանգնեցնել ձեր պատերազմը։ Ճակատային գիծն այսօր այն գիծն է, որտեղից պետք է սկսվի դիվանագիտությունը», — ասվում է նամակում։
Զելենսկին առաջարկել է հանդիպում կազմակերպել, իրականացնել գերիների փոխանակում «բոլորը՝ բոլորի դիմաց» սկզբունքով, ինչպես նաև բանակցություններին ներգրավել ԱՄՆ-ին և Եվրոպային։
