Հայաստանում «պատերազմ, թե խաղաղություն» բանավեճ չկա, որովհետև երկրորդ կողմը այդ բանավեճի գոյություն չունի. չկա ուժ, որ ասում է` պատերազմ։ Այս մասին այսօր՝ մարտի 4-ին, ԱԺ «Հայաստան» խմբակցության պատգամավոր Քրիստինե Վարդանյանը։
«Եթե Հայաստանում կա մի ղեկավար, որի օրոք պատերազմ չի եղել, դա եղել է Հայաստանի Հանրապետության երկրորդ նախագահը և Դաշնակցությունը այդ ժամանակ նաև իշխանության։ Ես չգիտեմ ոնց կարող է մի ուժ, որի օրոք ամենաշատ հարձակումները և պատերազմներն են եղել Հայաստանի վրա, խոսել խաղաղությունից ու իրենց հորինած փաստաթղթին հղում անելով ինչ-որ բան ապացուցել, բայց գիտեք էս բանը, նառատիվը «Եթե մենք չլինենք», ի՞նչ էր ասում Գևորգ Պապոյանը, արհեստական բանականություն էլ չի լինի, իսկ երեխաները կժպտա՞ն, եթե ՔՊ-ն չլինի, իսկ արև կծագի՞, եթե ՔՊ-ն չլինի, հաց ու ջուր կլինի՞ աշխարհի վրա, եթե ՔՊ-ն չլինի, թե ամբողջը տանելու են իրանց հետ։ ՔՊ-ից առաջ կյանք չկա՞ր, որ ՔՊ-ից հետո չլինի։ Ի վերջո Նիկոլ Փաշինյանով կյանքը ոչ սկսվում է, ոչ ավարտվում է: Ես գիտեմ, որ Գևորգ Պապոյանի ու ՔՊ-ականների համար գուցե այդպես է, բայց կներեք Նիկոլ Փաշինյանից հետո կյանք կա, Նիկոլ Փաշինյանից հետո կյանք կա, արև կա, խաղաղություն կա»,- ասաց նա։
Մանրամասն՝ տեսանյութում։
