Սյունիքի մարզի Քարահունջ համայնքում սողանքների ակտիվացումը լուրջ մտահոգություն է առաջացրել բնակիչների շրջանում։ Վերջին տարիներին նկատվել են հողի շարժեր, թեքված ծառեր, պատերին առաջացած ճաքեր և փլուզման վտանգ ունեցող հատվածներ, ինչը լրջորեն վտանգում է մարդկանց անվտանգությունն ու գույքը։
Բնակիչները վախեցած են. նրանց խոսքով՝ գիշերները չեն քնում, իսկ ցերեկները լարվածությամբ հետևում են, թե ինչպիսի փոփոխություններ են տեղի ունենում հողի շերտում։ Որոշ բնակելի տներ արդեն նկատելիորեն վնասվել են, իսկ մի քանիսը՝ դարձել անբնակ։
Բնակիչները բազմաթիվ անգամ դիմել են համայնքի և մարզի պատասխանատուներին, սակայն ասում են՝ պատասխանները մշուշոտ են, իսկ իրական օգնություն՝ առայժմ չկա։
Բնակիչները հստակ գործողություններ են պահանջում՝ մինչ վտանգն անշրջելի հետևանքներ չի թողել։
Մանրամասը` տեսանյութում։
