Իրավական տեսանկյունից գլխավոր դատախազին կամ ճիշտ չեն զեկուցել, կամ ինքը պատշաճ ուսումնասիրություն չի իրականացրել՝ այս գործի մանրամասների վերաբերյալ։ Ինձ վերագրում են բաներ, որոնք ոչ միայն իրավական տեսակետից վերագրելի չեն, այլև՝ մտադրություններ, որոնք բացարձակ տեղ չունեն։ Այս մասին ԱԺ-ում հայտարարեց «Հայաստան» խմբակցության պատգամավոր Արծվիկ Մինասյանը՝ անդրադառնալով իր նկատմամբ քրեական հետապնդում հարուցելու համաձայնության վերաբերյալ միջնորդագրին և դատախազի պդումներին։
«Վերագրվում են ինձ բաներ, որոնք ոչ միայն իրավական տեսակետից վերագրելի չեն, այլ մտադրություններ, որոնք բացարձակ տեղ չունեն։
Որևէ իրավական նորմ տիկին դատախազը չի կարող վկայակոչել, որ խախտվել է
Այն բոլոր պնդումները, թե իբր եղել են ձևական, իրականությանը չի համապատասխանում: Մրցույթը իրականացվել է ըստ գործող կարգավորումների: Որևէ արգելք որևէ անձի նկատմամբ չի եղել: Բնապահպանության նախարարը և նախարարության աշխատակիցները չունեն որևէ իրավական պարտավորություն՝ ստուգելու, պարզելու անձանց փոխկապակցվածության վերաբերյալ»,- նշեց նա։
Ինչ վերաբերում է գլխավոր դատախազի հայտարարությանը, թե Արծվիկ Մինասյանը գիտեր, որ շենք-շինությունները կառուցվել են Սեյրան Օհանյանի կողմից, պատգամավորը պատասխանեց. «Սուտ: Ես ոչ միայն չեմ իմացել, թե ով է կառուցապատել, ավելին, պարոն Օհանյանը կապ ունի՞ կառուցապատման հետ, թե՞ չէ: Ես ընդամենն ասել եմ, որ ինձ փոխանցված տեղեկությունների համաձայն՝ օգտագործվում է պարոն Օհանյանի կողմից»:
Մանրամասն՝ տեսանյութում։
