Ուժեղ պայթյուն է տեղի ունեցել Բուխարեստի CET Vest ՋԷԿ–ում։
Այս մասին հաղորդել է Digi24 հեռուստաալիքը՝ վկայակոչելով Ռումինիայի արտակարգ իրավիճակների վարչության ղեկավար Ռայեդ Արաֆաթին։ Պաշտոնյան նշել է, որ ձեռնարկությունում երկու տրանսֆորմատորներ են բռնկվել, որոնց մեջ տասնյակ տոննա յուղ է եղել։ Զոհեր չկան։
Արաֆաթը կոչ է արել մոտակա շրջանների բնակիչներին փակել պատուհանները, որպեսզի ծուխը տուն չներթափանցի։
Միջադեպի հետևանքով մի քանի շրջան հոսանքազրկվել են, խափանումներ են սպասվում նաև տաք ջրի հետ կապված։
Իշխանությունները զգուշացնում են, որ վերականգնողական աշխատանքները կարող են տևել մինչև մեկ տարի։
Հրդեհն այժմ մարվել է, սակայն տեղում շարունակում են աշխատել փրկարարները, սառեցվում են սարքավորումները և գնահատվում է վնասը։
