«Հրապարակ»-ի ձեռքում են հայտնվել Հայաստանում գործող 12 հեռուստաընկերությունների ռեյտինգները` ըստ դիտումների, որոնք հնարավորություն են տալիս նաեւ հասկանալ, թե ինչ է նախընտրում դիտել մեր հանրությունը եւ որ թիվի հարթակն է ավելի ազդեցիկ` առաջիկա ընտրությունների կտրվածքով: Ռեյտինգները չափում է Global CEO Inditronics Media ընկերությունը:
Ըստ այդ չափումների, առաջին տեղում իր ռեյտինգով «Արմենիա» հեռուստաընկերությունն է, բնականաբար` սերիալների եւ զվարճանքային հաղորդումների հաշվին: Երկրորդ տեղում Հանրային հեռուստաընկերությունն է` իր մեծ սփռման հաշվին` այն դիտելու հնարավորություն ունեն բոլոր մարզերում:
Որքան էլ զարմանալի է` երրորդ տեղում թիվի 5-ն է, ինչը խոսում է այն մասին, որ հեռուստացույց նայող շարքային մարդիկ ընդդիմադիր եւ այլընտրանքային տեղեկատվության կարիք ունեն: Չորրորդ տեղում «Շանթն» է, հինգերորդը` «Ֆրինյուզը»: Օրինակ, իշխանական «Բուն» թիվին, որը եկավ փոխարինելու ընդդիմադիր Հ2-ին եւ «Երկիր Մեդիային», 11-րդ տեղում է` վերջից երկրորդը:
