Շատ հետաքրքիր է, որ դուք այդպես հարցն այսպես եք տալիս, ոչ թե ընդհանուր առմամբ ինչպես եմ վերաբերվում սուր արտահայտումներին կամ հայհոյանքներին, կամ բռնությանը: Այս մասին լրագրողների հետ զրույցում ասաց առողջապահության նախարար Անահիտ Ավանեսյանը՝ պատասխանելով հարցին, թե ինչպես է վերաբերվում, երբ որ Ազգային ժողովի նիստերի ժամանակ հրապարակավ Նիկոլ Փաշինյանը ոչ կոռեկտ արտահայտություններ է անում ու վիրավորում ընդդիմադիրներին:
«Ընդհանուր առմամբ ես հայհոյանքներին շատ վատ եմ վերաբերվում, բռնությանը շատ վատ եմ վերաբերվում և կարծում եմ, որ ցանկացած իրավիճակում պետք է հնարավորինս մնանք հայհոյանքից և բռնությունից դուրս, այսքանը»,- ասաց նա:
Լրագրողները հետաքրքրվեցին, թե ինչպես է վերաբերվում երեկ ԱԺ նիստին Արսեն Թորոսյանի արած հրապարակային հայհոյանքներին, ինչին ի պատասխան Ավանեսյանը կրկին ասաց, որ վատ է վերաբերվում ցանկացած հայհոյանքի:
Մանրամասն՝ տեսանյութում:
