«Դատավոր Մելիքսեթյանի վարույթում գտնվող գործերով չկա մի գործ, որտեղ ամեն օր դատական նիստ նշանակվի: Բայց Սրբազանի գործով նշանակվում է: Հետևաբար սա խոսում է դատավորի կանխակալ, աչառու վերաբերմունքի մասին»,- Միքայել Սրբազանի դատական նիստից հետո լրագրողների հետ զրույցում ասաց նրա փաստաբաններից Մարինե Ֆարմանյանն՝ ընդգծելով, որ հենց նմանատիպ վերաբերմունքով էլ կարելի է դատողություն անել, որ «սա քաղաքական ճնշում ունի»:
«Մեզ մոտ տպավորություն է, որ «քաղաքական հանձնարարությունների» շրջանակներում մինչը Սրբազանի կալանքի ժամկետի լրանալը, դատարանն ուզում է գործն արագ ավարտել և մեղադրական վերդիկտ տալ»,- նշել է փաստաբանը և հավելել, որ հիմա ապացույցների ջարդելու փուլում են, դրանից հետո արդեն դատավորի վարքագծին վերաբերող քննարկումներ կունենան:
