Իրանը շարունակում է բանակցությունները Միացյալ Նահանգների հետ և հայտարարել է մեզ հետ համաձայնության գալու իր ցանկության մասին, քանի որ կրում է ավերիչ հարվածներ։ Այս մասին հայտարարել է Սպիտակ տան խոսնակ Քերոլայն Լևիթը։
«Իրանի դեմ վերջին հարվածները պայմանավորված են Իրանի կողմից փոխըմբռնման հուշագրի խախտմամբ։ Նրանք ստորագրել են Հորմուզի նեղուցով անցնող առևտրային նավերի վրա չկրակելու պարտավորություն։
Թրամփն ապացուցել է, որ մենք կարող ենք հարվածել Իրանին ցանկացած պահի և ցանկացած վայրում, և նրանց ինքնապաշտպանության կարողությունը գործնականում ոչնչացվել է։
Նեղուցը բաց է այն նավերի համար, որոնք չեն ուղևորվում դեպի իրանական նավահանգիստներ կամ այդտեղից չեն գալիս»,-ասել է Սպիտակ տան մամուլի քարտուղարը։
