Ընտրություններից հետո Ռուսաստան մեկնել պատրաստվող Հովհաննես Սահակյանը ձերբակալվել է։
ՀՀ քննչական կոմիտեից հայտնում են, որ առերևույթ հանցանքի մասին ստացված հաղորդման հիման վրա նախաձեռնվել է քրեական վարույթ՝ ՀՀ քրեական օրենսգրքի 473-րդ հոդվածի 1-ին մասով՝ հանցագործության մասին չհայտնելու հատկանիշներով։
Ըստ ՔԿ-ի՝ Հ. Ս.-ն, հաստատապես տեղեկացված լինելով նախապատրաստվող հանցագործության մասին, այդ մասին չի հայտնել իրավասու մարմիններին։ Քննիչի որոշմամբ նա ձերբակալվել է։
Նախաքննությունը շարունակվում է։
Հիշեցնենք, որ խոսքը Հովհաննես Սահակյանի մասին է, որը նախօրեին հայտարարել էր, թե մասնակցելու է քվեարկությանը, ապա ընտանիքի հետ ժամը 19:00-ին վերադառնալու է Ռուսաստան, քանի որ, իր գնահատմամբ, ընտրություններից հետո իրավիճակը կարող է սրվել։
Հատկանշական է, որ Սահակյանի ձերբակալությունից առաջ ՔՊ-ական Վիլեն Գաբրիլեյանը, որը հանրությանը հայտնի է նաև «Նավակ Ճոճող» մականունով, ֆեյսբուքյան էջում տարածել էր Սահակյանի տեսանյութը՝ կից գրելով. «ՍԵԿՏ-ը փակե՞նք»։
