Բաքվում կայացած Հունահռոմեական ոճի ըմբշամարտի Մ 17 աշխարհի առաջնության ոսկե մեդալակիր Ջանես Նազարյանն այսօր՝ հուլիսի 31-ին, լրագրողների հարցին, թե վճռորոշ գոտեմարտում հաղթելուց հետո տրիբունաներից հնչող սուլոցների տարափի ներքո Հայոց Եռագույնով մրցագորգի վրա պատվո շրջան կատարելիս ի՞նչ զգացողություն ուներ, պատասխանեց.
«Հավատացեք, այդ պահին սուլոցներն ու ձայները ինձ այնքան էլ չէին հետաքրքրում։ Սուլիչներն ու ձայները ինձ համար այնքան էլ կարեւոր չեն, քան իմ այդ պահը վայելելը, քանի որ ամեն անգամ չի, որ կարող ես այդ պահը վայելել։ Դրոշով շրջան կատարելը ուղղակի հպարտություն եւ հուզմունք էր»։
Մանրամասն՝ տեսանյութում։
