Սերգեյ Ասլանյանի ղեկավարած «SA Foundation» հիմնադրամի աջակցությամբ Երևանում անցկացվել են մի շարք միջոցառումներ՝ նվիրված Հայրենական մեծ պատերազմում տարած հաղթանակի 80-ամյակին։
Միջոցառումների մեկնարկը խորհրդանշական էր՝ «Իմ Բալիկ», «Տուն-Տունիկ» և «ԽՈԽԱ» մանկապարտեզներին տրամադրվել են գրասենյակային սարքավորումներ, տեղադրվել է մանկական սահանք, մեկ այլ մանկապարտեզում էլ երաժշտական սենյակի վերանորոգման աշխատանքներ են։
Նշված երեք մանկապարտեզներն էլ Երևանում բացվել են Արցախից բռնի տեղահանված մեր հայրենակիցների կողմից մեկ նպատակով՝ հայ մանուկներին դաստիարակել հայկական արժեհամակարգով, որպեսզի կրկին հաղթանակներ կերտվեն։
Մայիսյան հաղթանակներին նվիրված անց է կացվել նաև «Ի՞ՆՉ, Ե՞ՐԲ, ՈՐՏԵ՞Ղ» ինտելեկտուալ խաղի մրցաշար, որին մասնակցել է 30 թիմ, ընդհանուր շուրջ 150 մասնակցով։
Մրցաշարի կազմակերպիչների խոսքով՝ քանի որ տոնը և՛ Հայրենական մեծ պատերազմի 80-ամյակին է նվիրված, և՛ Շուշիի ազատագրմանը, որոշվել է խաղն էլ կիսել 2 փուլի։ Դրանցից մեկը անցկացվել է ռուսերեն լեզվով՝ Հայրենականին նվիրված որոշ հարցերով, երկրորդն էլ՝ հայերենով, որտեղ հարցերը նվիրված էին հիմնականում Արցախին և Արցախի ազատագրմանը։
Հիմնադրամի կողմից նվերներ են ստացել մրցաշարի լավագույն գիտակները։
Մանրամասն՝ տեսանյութում։
