Ռուսթավելի պողոտայում հայտնաբերել են պատմական նշանակություն ունեցող քարե բեկորներ

5 Հոկտեմբերի, 2026

Ռուսթավելի պողոտայում շարունակվող վերականգնման աշխատանքների ընթացքում՝ «Ազատության հրապարակ» մետրոյի կայարանի հարակից հատվածում, աշխատակիցները հայտնաբերել են պատմական նշանակություն ունեցող երեք քարե բեկորներ։

Քարերից մեկի վրա պահպանվել է Աստվածամոր և մանուկ Հիսուսի բարձրաքանդակը։ Հայտնաբերված բեկորների վրա առկա են նաև հայերեն արձանագրություններ։

Գտածոների՝ Կամոյանց Սուրբ Գևորգ եկեղեցու հետ կապը փաստացի կասկած չի հարուցում։ Դրանք հայտնաբերվել են հենց այն վայրում, որտեղ մինչև խորհրդային շրջանը գտնվում էր հայկական Կամոյանց Սուրբ Գևորգ եկեղեցին։ Բացի այդ, քարերից մեկի արձանագրության մեջ ընթերցվում է Կամոյանց անունը, իսկ նշված է նաև 1788 թվականը։

Պատմական աղբյուրների համաձայն՝ Կամոյանց Սուրբ Գևորգ եկեղեցին գտնվում էր ներկայիս «Ազատության հրապարակ» մետրոյի կայարանի դիմաց։ Եկեղեցին հին Թբիլիսիի հայկական եկեղեցիներից մեկն էր և ավերվել է խորհրդային տարիներին՝ 1937–1938 թվականներին։

Հատկանշական է, որ դեռևս 2026 թվականի ամռանը՝ Ռուսթավելի պողոտայի վերականգնման աշխատանքների ընթացքում, հենց «Ազատության հրապարակ» մետրոյի կայարանի դիմացի հատվածում արդեն իսկ հայտնաբերվել էին հին շինությունների տարրեր և այլ հնագիտական նյութեր։ Այս վայրն առանձնահատուկ նշանակություն ունի, քանի որ պատմական աղբյուրների համաձայն՝ հենց այստեղ՝ ներկայիս մետրոյի կայարանի դիմաց, գտնվում էր Կամոյանց Սուրբ Գևորգ հայկական եկեղեցին և դրա բակը, որտեղ եղել են նաև թաղումներ։

Նույն հատվածում ընթացիկ աշխատանքների ժամանակ հայտնաբերվել են նաև մարդկային մնացորդներ և տապանաքարերի բեկորներ։ Սա նույնպես համապատասխանում է տարածքի պատմական բնույթին և եկեղեցու բակի նախկին գործառույթին։

Առկա տեղեկությունների համաձայն՝ քարերը հայտնաբերել են վերականգնման աշխատանքներն իրականացնող աշխատակիցները։ Նրանք ուշադրություն են դարձրել անսովոր բեկորներին, զգուշությամբ տեղափոխել են դրանք անվտանգ հատված և ծածկել՝ պահպանության նպատակով։

Այս փուլում համապատասխան պետական և քաղաքային կառույցների հետ ընթանում են խորհրդակցություններ։ Նախնական պայմանավորվածության համաձայն՝ հայտնաբերված քարե բեկորները նախատեսվում է տեղափոխել Թբիլիսիի գործող հայկական եկեղեցիներից մեկի բակ։

Գտածոն առանձնահատուկ նշանակություն ունի նաև այն պատճառով, որ Ռուսթավելի պողոտայում ընթացող լայնածավալ վերականգնման աշխատանքներն ընդգրկում են քաղաքի պատմականորեն ամենահարուստ հատվածներից մեկը։ Աշխատանքների ընթացքում այստեղ արդեն իսկ հայտնաբերվել են տարբեր հնագիտական օբյեկտներ և հին կառույցների տարրեր։

Այս տարի առանձին հասարակական հետաքրքրություն առաջացրին նաև Ռուսթավելի պողոտայում գտնվող պատմական Մելիք-Ազարյանցի տան վերականգնման աշխատանքները։ Շենքի ստորգետնյա հատվածների բացահայտումը լայն արձագանք ստացավ սոցիալական ցանցերում և լրատվամիջոցներում՝ նոր հետաքրքրություն առաջացնելով հին Թբիլիսիի պատմական ժառանգության նկատմամբ։

Ազատության հրապարակի հարակից տարածքում նոր հայտնագործությունները ևս մեկ անգամ ցույց են տալիս, թե որքան հարուստ պատմական շերտեր են պահպանվել ժամանակակից Ռուսթավելի պողոտայի տակ։

Հոդվածում օգտագործված Կամոյանց Սուրբ Գևորգ եկեղեցու պատմական լուսանկարները տրամադրել է հավաքորդ և հասարակական գործիչ Լևոն Չիդիլյանը։

Աղբյուրը՝ vectornews.ge

Նմանատիպ նյութեր

Ադրբեջանն օկուպացրել է Ջերմուկի ջրաբանական արգելավայրի 37 %-ը. «Հետք»

Ադրբեջանն օկուպացրել է Ջերմուկի ջրաբանական արգելավայրի 37 %-ը. «Հետք»

2020 թ. 44-օրյա պատերազմից մինչ օրս Ադրբեջանը փուլ առ փուլ շուրջ 200 քկմ է օկուպացրել ՀՀ սուվերեն տարածքից: Անօրինական ներխուժումները և զավթումները կատարվել են հատկապես 2021-2023 թթ.: Այդ մասին գրում է «Հետք» պարբերականը։ «Այդ ընթացքում Ադրբեջանը շարունակական...

Ստիպում եք հանրայնացրել ձեզ ուղղված նամակները. Լիլիթ Գալստյանը՝ Սրբուհի Գալյանին

Ստիպում եք հանրայնացրել ձեզ ուղղված նամակները. Լիլիթ Գալստյանը՝ Սրբուհի Գալյանին

Սիրուն չի, Տիկին Գալյան, նաև՝ ազնիվ չէ. մեր ուշադրության կենտրոնում նաև ՔԿՀ-ներում տառապnղ մեր հարյուրավոր քաղաքացիներն են, գրել է ԱԺ «Հայաստան» խմբակցության պատգամավոր Լիլիթ Գալստյանը։ «Աչքովս ընկավ Սրբուհի Գալյանի Հ1-տաղավարում զրույցը, ուր Արդարադատության նախարարը...

Շղթայական վթար Երևանյան լճի մոտ. կա 1 զոհ, 3 վիրավոր

Շղթայական վթար Երևանյան լճի մոտ. կա 1 զոհ, 3 վիրավոր

Այսօր՝ նոյեմբերի 22-ին, խոշոր ու ողբերգական ավտովթար է տեղի ունեցել Երևանում։ Ժամը 17։00-ի սահմաններում Բագրատունյաց պողոտայում՝ թիվ 2/1 հասեցի դիմաց՝ Երևանյան լճի հարևանությամբ, բախվել են  2 «Mercedes», «Nissan Tiida», «Kia Forte» և «ՎԱԶ 2107» մակնիշի ավտոմեքենաները։...

Վարդենիսի, Մարտունիի, Աշոցքի տարածաշրջաններում ձյուն է տեղում

Վարդենիսի, Մարտունիի, Աշոցքի տարածաշրջաններում ձյուն է տեղում

Նոյեմբերի 22-ին՝ ժամը 17։30-ի դրությամբ, Վարդենիսի, Մարտունիի, Աշոցքի տարածաշրջաններում ձյուն է տեղում, իսկ Սևանի, Գավառի տարածաշրջաններում՝ ձնախառն անձրև։ Միջպետական և հանրապետական նշանակության բոլոր ավտոճանապարհները բաց են։ Ճանապարհաշինարարներն ավտոճանապարհներին...

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին

Մալանկարայի ասորի ուղղափառ եկեղեցու առաջնորդ Բասիլիոս Մար Թոմա Մատթեոս III-ը զորակցություն է հայտնել Ամենայն հայոց կաթողիկոս Գարեգին Բ-ին և Հայ առաքելական եկեղեցու հոգևորականներին։ Այս մասին հայտնում է Մոսկվայի հայկական եկեղեցին։ «Մեզ միավորում են նույն հավատքը և...