Արտերկրում բնակվող ռուսները կկարողանան ստանալ որակավորված էլեկտրոնային ստորագրություն Հայաստանում։ Այդ մասին ուրբաթ օրը հաղորդել է Երևանում Ռուսաստանի դեսպանատան մամուլի ծառայությունը։
«Արտերկրում բնակվող Ռուսաստանի քաղաքացիները այժմ Հայաստանում կարող են ստանալ որակավորված էլեկտրոնային ստորագրություն (ՈԷՍ)», -ասվում է հաղորդագրության մեջ։ Նշվում է, որ գրանցման կետը բացվել է Երևանի Մոսկվայի տան շենքում։
«Հանդիպում նշանակելու համար պետք է դիմում ներկայացնել հավաստագրման կենտրոնի՝ «Օսնովանիե»-ի պաշտոնական կայքում», — նշել են դեսպանատնից։
Դիվանագիտական առաքելությունը մանրամասնել է, որ որակավորված էլեկտրոնային ստորագրությունը թույլ է տալիս հեռակա փոխազդել Ռուսաստանի առևտրային և պետական կազմակերպությունների հետ՝ ստորագրել փաստաթղթեր, բացել հաշիվներ ռուսական բանկերում, ձևակերպել անշարժ գույքի գործարքներ, մասնակցել աճուրդներին և շատ ավելին։ «ՈԷՍ-ի միջոցով հարմար է մուտք գործել և օգտագործել Պետական ծառայությունների պորտալը, իսկ ապագայում ստորագրել փաստաթղթեր Դաշնային հարկային ծառայության և Ռուսաստանի սոցիալական հիմնադրամի համար»,-ասվում է հայտարարության մեջ։
