«Մեզ պետք են դաշնակցային հարաբերություններ Ռուսաստանի հետ և շատ լավ հարաբերություններ և՛ Եվրոպայի հետ, և՛ Միացյալ Նահանգների հետ: Մեզ պետք է և՛-և՛, ոչ թե կամ-կամ: Եվ դա հնարավոր է անել, և դա մենք անում էինք. ուղղակի պետք է դադարել խաղալ մեծ պետությունների հակասությունների վրա, սադրել մեծ պետությունները և հարվածի տակ դնել սեփական ժողովրդին: Եթե դու մեկին սիրում ես, երբեք հարվածի տակ չես դնում: Եթե դու սիրում ես մեր ժողովրդին, ուրեմն ռադդ քաշի և հարվածի տակ մի՛ դիր մեր ժողովրդին: Ի՞նչ ենք մենք կարող անել՝ դադարեցնել, կասեցնել այս քաղաքականությունը: Պրոբլեմը ոչ թե մեր պետության ու մեր ժողովրդի մեջ է, պրոբլեմը մեկ մարդու մեջ է: Ուրեմն մեր հետագա քայլերի բանաձևը շատ պարզ է՝ չկա՛ Նիկոլը պաշտոնում, չկա՛ պրոբլեմներ Հայաստանում:

Չկա՛ Նիկոլը, չկա՛ ճգնաժամ: Չկա՛ Նիկոլը, չկա՛ աղքատություն: Չկա՛ Նիկոլը, չկա՛ պատերազմ: Չկա՛ Նիկոլը, չկա՛ ազգային նվաստացում: Չկա՛ Նիկոլը, չկա՛ 300 000 ադրբեջանցիների վերադարձը:

Բոլոր այս խնդիրները լուծվելիք խնդիրներ են: Ես գիտեմ՝ ոնց է դա կարելի անել, և մենք դա անելու ենք: Մենք ունենք հարուստ փորձ՝ էֆեկտիվ կառավարման և զարգացման համար»,- այս մասին «Հայաստան» դաշինքի մեծ հանրահավաքին ասց դաշինքի առաջնորդ, ՀՀ երկրորդ նախագահ Ռոբերտ Քոչարյանը։

Մանրամասն՝ տեսանյութում։