«Առավոտյան ժամը 7-ից պարոն Լևոն Քոչարյանի բնակարանում խուզարկություն են իրականացնում։ Դրան զուգահեռ՝ իրենց ընտանիքին պատկանող տարբեր գույքերում, ընկերություններում։ Իսկ պատճառը, կարծում եմ, այնքան ակնհայտ է, որ մեկնաբանելու կարիք էլ չկա, քանի որ, օրինակ, եթե տարիներ առաջ մենք փորձեցինք ապացուցել, այսինքն՝ ապացուցվեց, որ Ռոբերտ Քոչարյանի կալանավորումը քաղաքական պատվեր էր, մի հեռախոսազրույց ի հայտ եկավ՝ վարչապետի և ԱԱԾ ղեկավարի միջև, և դրանից ապացուցվեց, որ դա քաղաքական պատվեր է։

Բայց հիմա իրավիճակն արդեն այլ է։ Նիկոլ Փաշինյանը երեկ հրապարակային՝ Ազգային ժողովի ամբիոնից, հայտարարեց, որ այս մարդիկ պետք է նստեն, պետք է ունեզրկվեն։ Այսինքն՝ տարբերությունը դա է։

Երեկ Ազգային ժողովում Նիկոլ Փաշինյանը մի շարք հակաիրավական և աբսուրդ հայտարարություններ էր անում՝ ասելով, թե հանրությունը պահանջում է, որ այս մարդիկ կալանավորվեն, ունեզրկվեն, և ես չեմ կարող հանրությանը բացատրել, որ դատարանները պետք է գործեն օրենքով սահմանված կարգով։ Ասում էր՝ ես նույնիսկ չեմ կարող բացատրել, թե ինչ է իշխանությունների տարանջատման սկզբունքը։ Եվ դրանով երեկվա իր ելույթով փորձեց արդարացնել իր այսօրվա գործողությունները, թե ինչու է ինքը միջամտում դատական և ուժային կառույցների աշխատանքներին»,- այս մասին այսօր՝ օգոստոսի 25-ին, հայտարարեց ԱԺ «Հայաստան» խմբակցության պատգամավոր Լևոն Քոչարյանի օգնական Արթուր Սուքոյանը։

Մանրամասն՝ տեսանյութում։