«Ուզում եմ շատ կարճ անդրադարձ ունենալ, թե ընդհանրապես ինչ են ընտրությունները: Շատ պարզ՝ ընտրությունները ունեն հետևյալ իմաստը. քաղաքական ուժը տալիս է խոստումներ, առաջարկում է ծրագիր, իսկ երբ ընտրվում է՝ ստանձնում է իշխանությունը և հաշվետու է ժողովրդի առջև այդ ծրագրի իրականացման համար. ուրիշ բան չեն նշանակում ընտրությունները: Այսպես ասենք՝ հինգ տարի ժամկետով կոնտրակտ է կնքվում ժողովրդի և այդ քաղաքական թիմի միջև: Հիմա եկել է հաշվետու լինելու ժամանակը: Եվ ինչի՞ մասին է խոսում այն քաղաքական ուժը, որը 2021 թվականին ստացել է ժողովրդի քվեն. ընդհանրապես չի խոսում իր խոստումներից: Անկեղծ, սա երևի եզակի դեպքերից մեկն է, ես չգիտեմ՝ նման դեպք աշխարհում ընդհանրապես կա՞, թե՞ չկա, երբ գաս ընտրությունների և ընդհանրապես չշոշափես ոչինչ, ինչ դու խոստացել ես մանդատը ստանալու համար»,- այս մասին Կապանում «Հայաստան» դաշինքի հանրահավաքի ժամանակ ասաց դաշինքի առաջնորդ, ՀՀ երկրորդ նախագահ Ռոբերտ Քոչարյանը։
Մանրամասն՝ տեսանյութում։
