Մեծ Բրիտանիան, Ֆրանսիան, Գերմանիան և ևս մի քանի երկրներ հայտարարել են, որ պատրաստ են մասնակցել Հորմուզի նեղուցով անվտանգ անցում ապահովելուն, սակայն չեն հստակեցրել՝ ինչ ձևով։ Գրում է BBC news-ը:
Նրանք նշել են, որ պատրաստ են «նպաստել համապատասխան գործողություններին»՝ նեղուցով անվտանգ անցում ապահովելու համար և ողջունել են նախնական պլանավորմանը մասնակցող երկրների պատրաստակամությունը։
Թե ինչպես են այս յոթ երկրները պատրաստվում մասնակցել նեղուցով անվտանգ անցման ապահովմանը, հայտարարության մեջ չի նշվում։ Ինչպես հայտնում է AFP գործակալությունը, հայտարարության հրապարակումից հետո Իտալիան և Գերմանիան պարզաբանել են, որ խոսքը տարածաշրջան անմիջապես ռազմական ուժեր ուղարկելու մասին չէ, այլ ավելի շուտ՝ հրադադարից հետո իրականացվելիք համատեղ, միջազգային գործողության մասին։
