Ես չգիտեմ՝ ի՞նչ տվյալների հիման վրա որեւէ մեկը կարող է ասել, որ ռազմական բալանսը խախտվել է իմ ժամանակ։ Այս մասին հրավիրված մամուլի ասուլիսում ասաց ՀՀ երկրորդ նախագահ Ռոբերտ Քոչարյանը։
«Որտեղի՞ց են էդ տվյալները։ Նիկոլ Փաշինյանի հայտարարությունը հի՞մք է ձեզ համար։ Բացարձակապես սուտ է։ Մենք ոչ միայն ունեինք ռազմական բալանս, մենք ունեինք զգալի առավելություն մարտունակության տեսանկյունից, որովհետև միայն զենքերի քանակը չի, դիրքերի վիճակն է, տեղանքն է, ով է հարթավայրում, ով է բարձունքների վրա։ Ամեն ինչով մենք ունեինք էական առավելություն Ադրբեջանի զինված ուժերի նկատմամբ, դրա համար այն ժամանակ այդ ոտնձգությունը չկար։
Եթե նայեք, թե մենք Ադրբեջանի նկատմամբ մեզ ինչպես էինք պահում, դուք կտեսնեք, որ ես երբեք ինձ թույլ չեմ տվել որեւէ հայտարարություն, որը կարող է Ադրբեջանի ժողովրդին ինչ-որ ձևով վիրավորել»,- նշեց նախագահը։
Մանրամասն՝ տեսանյութում։
